|
Каролина подготвена за Хелсинки |
|
|
|
четврток, 03 мај 2007 |
Македонската евровизиска делегација денес патува за Хелсинки, Финска, каде утре ќе се одржи првата проба, а потоа и прес-конференцијата пред настапот на македонскиот претставник на „Евросонг“ Каролина Гочева во полуфиналето на 10 мај.
- Сценскиот настап и стајлингот се
готови. Гочева, придружните вокали Ана Костовска, Сара
Пројковска-Николовска и Стево Чепишевски и балетаните Андријана
Јаневска и Бобан Ковачевски се комплетно подготвени за настапот на
големиот европски музички натпревар, рече шефот на македонската
евровизиска делегација Тања Гоговска.
Таа истакна дека Министерството за надворешни работи на Република
Македонија се ангажира преку амбасадите низ Европа и амбасадите на
локално ниво околу лобирањето и гласањето за македонскиот претставник.
Проектот за Евровизија го поддржаа и министерствата за економија и за
култура на Република Македонија.
Според неа, од 8 до 12 мај во Хелсинки ќе функционира македонскиот штанд.
Авторот на музиката Григор Копров рече дека Евровизијата е натпревар на
композиции, а не на пејачи и оти Гочева дефинитивно на најдобар можен
начин ќе ја изврши својата задача. - Композицијата ја дотерувавме да
звучи строго професионално и се доби живо пеење. Треба да учествуваме
за да видиме каде сме.
Каролина Гочева нагласи дека се надева на добро претставување и пласман
на Евровизијата во Хелсинки. Гочева ќе настапи облечена во кус фустан
во зелена боја. Визуелниот ефект е пополнет со светло, ќе има и други
ефекти како ветер и итн.
Во полуфиналето на 10 мај во Хелсинки, во конкуренција на 28 земји, македонската претставничка ќе настапи 18-та по ред.
Извештај на Билјана Николовска
Извештај на Наташа Гркова Петрушевска
|
