МРА-САТ 
|
|
|
Hot Bird 8
Downlink Frequency: 12207
Fec: 3/4
Optus B3 on 152.0°E  Hot Bird 8 on 13.0°E  Optus B3 on 152.0°E  Telstar 10 on 76.5°E НА САТЕЛИТ Сателитската програма на Македонското радио претставува сервис,пред сè за нашите во дијаспората, конципиран како мост преку кој тие секогаш можат да бидат во тек со она што се случува во нивната стара татковина. Со тоа се овозможува интензивирање и на соработката со асоцијациите на Македонците во прекуокеанските земји, потоа со црковните општини, а воедно ќе се остварат и контакти со истакнати личности и бизнисмени во дијаспората. Македонското радио преку Интернет на слушателите во странство и на нашите сонародници во соседните земји, им презентира информации за дневно-политичките настани, а низ пригодни прилози ги афирмира вистинските вредности остварени од граѓаните на Република Македонија. Мошне значајно е досегашното искуство: ноќните контактни програми во живо што овозможуваат преку брановата должина на Радио Македонија директна комуникација меѓу слушателите во земјата и нивните блиски роднини и пријатели во соседните земји и далеку во светот. Таквата програмска концепција ќе продолжи и во иднина со што Сателитската програма се потврди како вистински сервис за граѓаните.
НА ИНТЕРНЕТ Застапеноста на Македонското радио на интернет потекнува уште од далечната 1997 година, кога многу мал број радио дифузни куќи и други фирми можеа да ги користат овие придобивки на технологијата. Уште тогаш корисниците на интернет, пред сè, нашите почитувани сонародници, можеа преку стриминг да ја слушнат програмата Радио Билјана на Радио Македонија. За ова помагаше и Агенцијата за иселеништво на Македонија, која на (Радио Билјана) Радио Македонија и подари компјутерски сервер. На тој сајт, со многу скромни технички решенија и ограничени содржински можности се практикуваше секојдневна подготовка на билтен вести од Македонија како и тонска емисија од 8 до 10 минути. Новите десет сајтови на Македонската радиотелевизија што се пуштени во употреба во мај 2006 година, ги опфаќаат сите тие содржини и многу повеќе од тоа. Со тоа старите сајтови на Македонската телевизија www.mtv.com.mk и на Македонското радио www.mr.com.mk целосно се вклопени и надградени во новиот сајт www.mrt.com.mk |
