| Премиера на претставата „Суд“ во МНТ |
|
|
| петок, 05 февруари 2010 | |
Режисерот Ѓорѓиевски на прес-конференција рече дека тој и екипата имале ексклузивно право да се занимаваат „со најжешкиот костен во моментов, кога актуелна тема е лустрацијата и поделбата на предавници и патриоти“. - Се работи за судски процес со кој се бара убиецот на револуционер. Бидејќи убиениот е револуционер, значи другиот е предавник, па се отвора темата на предавници и патриоти и тука почнува нашата приказна - трилер. Ние имаме ексклузивно право да отсонуваме еден сон на сцена - се обидуваме да го артикулираме нашето чувство и став за таа горлива тема што не мачи и оптоварува - се обидуваме да ја расплеткаме таа мрежа во која се вплеткуваме постојано барајќи предавници и патриоти. Се трудиме да се преиспитаме што правиме со себе. Паѓаме се подлабоко во мрежата. Влезен е некој ѓавол во нас и сакаме да се судиме без чувство дека и другиот има своја вистина, рече Ѓорѓивески. Тој напомна дека претставата не се занимава со историска реконструкција на времето на кое се однесува текстот на Чашуле (1903), ниту, пак, со дневната политика. Додаде дека не направил ригорозни интервенции во текстот, приказната е задржана, но временски ја поместил до денес. Ѓорѓиевски нагласи дека сакал да режира дело од Чашуле зашто тој автор, како што рече, е битна одредница во македонската драматургија и во театарската и општествено-политичката мисла. Сценографијата за претставата ја изработи Валентин Светозарев, а костимите Благој Мицевски. Музиката е на Марјан Нечак. |
| < Претходно | Следно > |
|---|
