| Собранието да расправа за „Скопје 2014“ |
|
|
| понеделник, 08 февруари 2010 | |
|
Пратениците да се изјаснат за проектот „Скопје 2014“ побара денеска НСДП, партијата на Тито Петковски. Освен иницијатива за собраниска седница, од НСДП велат дека ќе иницираат јавна расправа и дебати меѓу архитектите и уметниците со цел сите да се изјаснат, за потоа да се утврди заеднички што е потребно. Петковски побара и рефрендумско изјаснување за проектот затоа што, како што рече, ако државата располага со можност да стави во функција на градот 200 милиони евра, треба да ги праша граѓаните на Скопје како сакаат да ги потрошат тие милиони и да утврдат кој е за нив приоритетот. „Јас не сум против нови градби но сметам дека за тоа треба да одлучат граѓаните а не владата. Ако навистина овој проект чини 200 милиони евра, јас сметам дека би било по паметно тие пари да се потрошат во градење на патиштата, метроа или пак изградба на фабрика за рециклажа“,рече Петковски. Со ова што сега владата ни го нуди, би можело да предизвика безброј контроверзи за македонскиот идентитет но и меѓуетнички проблеми, истакна лидерот на НСДП Петковски. |
| < Претходно | Следно > |
|---|
