| Колку ќе не чини негативната реклама во “Телеграф“ |
|
|
| понеделник, 08 февруари 2010 | |
|
„Никола Груевски да одговори колку ќе не чини оваа негативна реклама за странските инвестиции и водењето бизнис во Македонија“. Вакво прашање упати опозицијата откако британскиот весник „Телеграф“ обелодени дека владата на Груевски му го дала земјиштето за изградба на хотелот зад „Рамстор“ на британски инвеститор за да добие поддршка за членство во НАТО, а вистинскиот инвеститор на хотелот имал врска со бизнисменот Јордан Камчев. Јани Макрадули од СДСМ покажа извод од Централниот регистер во Лондон во кој се гледа дека во 2008 и 2009 година фирмата имала финансиска или било каква друга активност еднаква на нула. „Фирмата на Никола Груевски и неговите пријатели од Скопје и Лондон е мртва фирма. Во овој случај воопшто не станува збор за наводно лобирање во НАТО, туку за владин криминал и корупција“ изјави Макрадули. „Стана јасно дека Орце Камчев не е случајно избран да биде контактот и спроведувачот на оваа операција, напротив тој е тука мозокот на бизнис операцијата на фамилијата. Македонија денеска остана и без НАТО и без атрактивно земјиште во центарот на градот“ додаде Макрадули. |
| < Претходно | Следно > |
|---|
