| Наоми Кембл нема да се соочи со обвинение поради насилството врз нејзиниот возач |
|
|
| среда, 03 март 2010 | |
|
Полицијата во Њујорк соопшти дека нема да покрене криминално обвинение против топмоделот Наоми Кембл, откако нејзиниот возач се пожалил дека поради неразјаснети причини таа го удрила. Возачот изјави пред полицијата дека Кембл го удрила од задното седиште и оти тој удрил со главата во воланот, при што се здобил со модринка под десното око. По инцидентот тој го запрел луксузниот џип, изнајмен од манекенката и за тоа ја информирал најблиската полициска патрола. Полицијата состави извештај за насилство во консултација со регионалниот обвинител, со оглед на тоа што никој не видел што се случило во црниот кадилак ексалејд. Извештајот не подразбира и казна. Портпаролот на Кембл, Џеф Рејмонд изјави дека 39-годишната манекенка ќе соработува со полицијата. Таа и претходно беше обвинувана за насилство врз лица кои работеле за неа. Се уште не е познато дали возачот ќе поднесе граѓанска тужба. |
| < Претходно | Следно > |
|---|
