|
вторник, 09 март 2010 |
|
Задоволство од добрите билатерални односи меѓу Загреб и
Скопје денеска изразија шефот на македонската дипломатија, Антонио Милошоски и
хрватскиот премиер, Јадранка Косор.
На средбата било истакнато задоволството од добрите односи и интензивниот
политички дијалог меѓу Македонија и Хрватска, со потенцијал за јакнење на
стопанската и трговската соработка.
Косор изразила цврсто уверување дека хрватските пристапни преговори со
Европската Унија имаат стратешко значење за сите држави во регионот, се вели во
соопштението од кабинетот на Премиерот Косор.
Министерот Милошоски истакнал дека договорот меѓу Хрватска и Словенија отвара
јасна европска перспектива за сите земји од југоисточна Европа.
На средбата станало збор и за престојната конференција на 20 март во Брдо кај
Крањ, како и за положбата на хврватското малцинство во Македонија и
македонското во Хрватска.
|
