| ЕК го одобри спојувањето на најголемите светски авиокомпании |
|
|
| среда, 28 јули 2010 | |
Трансакцијата е вредна 3.17 милијарди долари, пренесоа агенциите. УАЛ и „Континентал“ уште во мај ги најавила плановите за спојување на компаниите, а целата постапка имаат намера да ја спроведат до крајот на годината. Американските антимонополски комисии се уште го проверуваат спојувањето, а треба да се изјаснат следниот месец. Некои американски сенатори веќе го критукуваа здружувањето, бидејќи според нив, тоа ќе им штети на корисниците на кои ќе им се ограничува конкуренцијата. Конгресот не може да ја блокира трансакцијата, но може да влијае врз регулаторите и јавното мнение. Европската комисија,меѓутоа, во образложението на својата одлука наведе дека спојувањето на двете компании нема сериозно да влијае врз зголемувањето на нивниот удел на пазарот. Според резултатите до кои дојде комисијата, активностите на фирмите на одредени траси главно се преклопуваат, така што нивното спојување нема сериозно да ја загрози конкуренцијата на пооделните траси. Спојувањето на авиокомпаниите стана честа појава во последно време. Нивното делување беше тешко погодено од глобалната економска криза, а ги загрижува и нестабилната цена на горивата, конкуренцијата на нискотарифните фирми и големиот капацитет на пазарот. Со спојувањето, всушност, се обидуваат што повеќе да ги намалат своите трошоци. Новата компанија, со годишен промет од 29 милијарди долари, седиштето ќе го лоцира во Чикаго, а ќе лета на 370 дестинации. |
| < Претходно | Следно > |
|---|
