|
Патувајте во Грција со полн резервоар |
|
|
|
четврток, 29 јули 2010 |
|
Министерството
за надворешни работи издаде препорака со која на македонските граѓани кои
планираат да патуваат во Грција, во земјата да влегуваат со полн резервоар
гориво и да внимаваат на количеството на гориво неопходно за враќање во Македонија.
Препораката од македонското МНР доаѓа по настаната криза со дистрибуцијата на
гориво на бензинските станици, како последица на штрајкот на транспортерите,
кои ги блокираат излезите од рафинериите и складиштата со гориво.
„Ситуацијата е посебно влошена во туристичките места, каде воопшто нема гориво
и веќе има случаи на странски туристи останати на отворен пат. На македонските
граѓани им се препорачува редовно да ја следат состојбата во Грција, како и да
го контактираат Министерството за надворешни работи и македонските дипломатски
претставништва во Атина и Солун“, се вели во препораката од МНР.
Останува непознато уште колку ќе трае штрајкот на грчките транспортери.
Незадоволни од разговорите во министерството за транспорт и врски одржани во
среда, најавија дека продолжуваат со протестите.
|
