| Интерпелацијата за министерката Јанкулоска пред пратениците |
|
|
| петок, 30 јули 2010 | |
|
Опозициските СДСМ и НСДП поднесоа интерпелација за работата на Јанкулоска по инцидентот што се случи во Собранието на 1 јули годинава. Според собранискиот Деловник, претресот по интерпелацијата трае најмногу еден работен ден. На предлог на Комисијата за прашања на изборите и именувањата, Собранието се очекува да се изјасни и за предлог одлуките за избор на претседател и заменик претседател на Комисијата за верификација на фактите и одлуката и за именување член на Советот на НБРМ од редот на вицегувернерите, со назнака за итност. Се предлага во следните шест месеци претседател на Комисијата за верификација на фактите да биде Томе Аџиев, адвокат од Битола, а негов заменик Агим Мехмети. Аџиев и Мехмети ќе бидат назначени на оваа функција на местата на Јанакие Витановски и Шпенд Винца. За член на Советот на НБРМ ќе биде именувана Анита Ангеловска Бежоска, која во понеделникот беше именувана за нов вицегувернер. |
| < Претходно | Следно > |
|---|
