Nga 1 janari fillon zbatimi i Ligjit për ndalesë të plotë të pirjes së duhanit nëpër kafene, bare të natës, disko-klube ....  por përveç në ambient të mbyllur, nuk do të mund të pihet duhan edhe në ballkone, banaqe dhe në veranda, përkatësisht gjithkund ku shërbehet ushqim dhe pije.

Pirja e duhanit nuk është e ndaluar vetëm në shtëpitë e njerëzve, në hapësirë të çelur dhe në sipërfaqe publike nëse nuk mbahen gara sportive, kulturore dhe manifestime argëtuese, tubime dhe ngjarje të tjera publike. Atëherë duhanpirësit do të duhet të përmbahen dhe të ndezin cigare pas përfundimit të manifestimit apo tubimit.

Duhanpirësit për mosrespektim të Ligjit do të paguajnë 100 euro në vetë vendin e ngjarjes, ndërsa dënimet për mosrespektim nga hotelierët dhe ndërmarrjet janë prej 2.500 deri 4.500 euro, përderisa për personat përgjegjës është prej 100 deri 300 euro. Sipas Ligjit për veprimtarinë hotelierike është paraparë edhe mbyllja e objektit në kohëzgjatje prej 30 ditëve.

Inspektoriati i tregut shtetërir do të kryejë kontroll në  kafene, kafe-bare...., ndërsa në institucionet e tjera ndalimi për pirjen do ta kontrollojë inspektoriati  sanitar shëndetësor, arsimor dhe ai i punës.

Ligji  për ndalimin e pirjes së duhanit shaktoi revoltë të hotelierët  të cilët kërkojnë të bisedojnë me institucionet kompetente për propozim të pranueshëm evropian për zbatimin e Ligjit për mbrojtje nga pirja e duhanit.

Përfaqësues të tyre kërkuan trajtim të barabartë me vendet evropiane dhe periudhë të caktuar të instalojnë ventilimin dhe të bëjnë hapësira për duhanpirësit, përkatësisht të zbatohet modeli si në ndonjë vend anëtar të Bashkimit Evropian.

Si shembull e theksojnë modelin austriak ku në një objekt deri 100 metra katrorë, hotelierët vetë vendosin nëse do të jetë ai për duhanpirës apo për joduhanpirës, ndërsa mbi 100 metra katrorë 30 për qind e objektit të jetë për duhanipërsit. Hotelierët kërkuan ndonjë person hotelierik i cili dëshiron të posedojë objekt për duhanpirës të posedojë licencë për përmbushjen e kushteve.

Hotelierët vetëm 30 për qind të dhomave do të duhet që t'i dedikojnë për duhanpirës, ndërsa në 70 për qind do të ndalohet. sipas pronarëve miqtë nga restoranti do të duhet që të kthehen në dhomë.

Në sekotrin hotelierik në Maqedoni punojnë rreth 17.000 persona që është 2,3 për qind e të punësuarëve të përgjithsëm.

Nga 24 janari edhe kutitë për cigare do të duhet që të përmbajnë etiketa me fotografi nga organe të dëmtuara të duhanpirësve. Prodhuesit kanë afat prej tre mujave që t'i tërheqin ose t'i shesin paketimet e vjetra të cilat nuk kanë etiketa.

Ligji për mbrojtje nga pirja e duhanit e ndalon edhe reklamimin e produketeve të duhanit në vende të mbyllura dhe në vende të hapura publike.

Në Maqedoni në vit pihen rreth 11.000 tonë cigare, ose individualisht çdo qytetar pi rreth 5,5 kilogramë cigare.

Ahengu për Vitin e Ri në Shkup, që filloi të hënën, kulminon në ditën e fundit të vitit të vjetër 2009.
Më 31-shin, për fëmijët zbavitja fillonn në sheshin e qytetit, prej orës 11 e 30 minuta, me program të pasur. Është paraparë të mbahet shfaqje teatrore për fëmijë, shfaqje të korit fëmijor dhe mbërritja e Baba Dimrit.
Ahengu për të rriturit fillon nga ora 20, me performanse të Esma Rexhepova, ndërsa më pas edhe të Vllado Janevski, Xhiboni dhe “Përlavo kazalishte” nga Kroacia dhe “Manjifiko” nga Sllovenia.
Aheng për Vitin e Ri do të ketë edhe në Panairin e Shkupit, në sallën e parë dhe të tretë, ku përveç muzicientit, kompozitorit dhe dixhejit maqedonas Kiril Xhajkovski dhe “Gorilaz Saund Sistem”, do të mund të dëgjohen dixhej edhe nga Britania e Madhe dhe Izraeli.
Qyteti i Shkupit përveç sheshin “Maqedoni” zbukuroi edhe parkun “Gruaja luftëtare”, pjesët rreth Qeverisë,  Bibliotekën universitare “Sh.Klimenti i Ohrit”, Pallatin Gjyqësor dhe bulevardin “Ardhat partizane”.
Organizatorë të programit të sivjemë janë qyteti i Shkupit dhe operatori telekomunikues “One”.

Ministria e Punëve të Brendshme apeloi qytetarët që të përmbahen nga konsumimi i tepërt i alkoolit, të shmangin përdorimin e fishekzjarreve, dhe mjeteve tjera pirotektike.
Këto rekomandime jo vetëm për shkak të sanksioneve ligjore, por për shkak të rrezikut për shëndetin dhe sigurinë e qytetarëve, si dhe dëmet material të cilat mund të shkaktohen, thuhet në apelin.
Nga MPB-ja përkujtojnë se do ta sanksionojnë çdo përdorim të armëve dhe apelojnë qytetarët që t’i shmangen mënyrës së tillë të kremtimit për shkak të mundësisë që ato të shndërrohen në tragjedi individuale.
Në fund të kumtesës së MPB-së paralajmërojnë për qarkullim të zmadhuar në komunikacion, me ngecje të mundshme prandaj qytetarëve u rekomandohet të jenë të durueshëm dhe tolerantë,
MPB-ja të gjithë qytetarëve ua uron festat me dëshirë për shëndet dhe sukses në vitin e ardhshëm, thuhet në kumtesën”.

Moti në Maqedoni të enjten, sipas meteorologëve, sot në mëngjes do të jetë mesatar me vranësira dhe mjegull, ndërsa gjatë ditës me diell dhe vranësira mesatare.
Temperaturat minimale do të jenë rreth tre gradë. Temperaturat e ditës do të ngjiten edhe deri në 18 gradë, ndërsa në Shkup dhe rrethinë deri në 12 gradë.
Gjatë natës së Vitit të Ri do të mbisundojë mot me vranësira mesatare dhe relativisht i nxehtë.
Valë e re e lagështisë pritet në ditën e parë të Vitit të Ri kur do të ketë reshje të shiut, nëpër male borë, ndërsa të shtunën dhe të dielën reshje të borës edhe vendet më të ulëta. Gjatë fundjavës do të ketë rënie të konsiderueshme të temperaturave.

Komunikacioni në të gjitha akset rrugore magjistrale dhe rajonale nëpër shtet zhvillohet rrjedhshëm nëpër rrugë kryesisht të thata dhe të pastra.
Vende-vende rrugë të lagëta ka në vendet malore dhe vendet nën hije.
Komunikacioni në aksin rrugor Dibër – Rostushë në vendin Skudrinjë, është normalizuar komunikacioni në dy drejtimet, por nuk përjashtohet mundësia për shembje të reja të gurëve dhe rrëshqitje të tokës. Edhe aksi rrugor Kërçovë – Makedonski Brod, që ishte i pakalueshëm për komunikacion për të gjitha automjetet përmes urës në vendin Plasnicë, tani është aftësuar për automjete me peshë mbi shtatë tonë. Ndërsa automjetet mbi shtatë tonë ende riorientohen përmes urës në f. Dvorcë.
Intensiteti i komunikacionit është mesatar jashtë mjediseve urbane. Frekuencë e rritur e automjeteve pritet gjatë tërë ditës veçanërisht në akset rrugore drejt qendrave dimërore turistike.
Në vendkalimet kufitare nuk ka pritje më të gjata. Përkujtim për vozitësit për obligimin e tyre ligjor, për posedim të detyrueshëm të pajisjes dimërore në automjetet.

Njëqind e dhjetë pjesëtarëve të komuniteteve etnike, që nuk janë shumicë në Republikën e Maqedonisë sot në Qeveri u janë ndarë vendimet për punësim në administratën shtetërore, konform obligimeve për përfaqësim të barabartë të komuniteteve me Marrëveshjen e Ohrit.

Gjyqtarët para punësimit do të duhet të kalojnë test psikologjik që, mes tjerash do të thotë garanci për realizimin e funksionit të gjyqtarit. Kjo, siç theksoi ministri i Drejtësisë, Mihajllo Manevski në intervistën për MIA-n, është paraparë në ndryshimet e Ligjit për gjyqtarët.

"Ndryshimet në Ligjin parashohin që gjatë zgjedhjes së gjyqtarëve të mund të merren parasysh elementet që do të thonë garanci për realizimin e funksionit gjyqësor, ndërsa kjo mes tjerash do të thotë të vendosen edhe teste psikologjike për gjykatësit. Rregullat për mënyrën e zbatimit do të caktohen në kornizat e kompetencave të Këshillit gjyqësor. Krahas kësaj janë paraparë edhe ndryshimet gjatë avancimit të gjyqtarëve, respektivisht gjatë zgjedhjes për punë në gjykatë më të lartë, me ç'rast vlerësimi i gjykatësve duhet të jetë një nga kriteret", sqaroi Manevski.

Ndryshimet ligjore mes tjerash caktojnë në rast kur do të merret gjykimi nga Gjykata Evropiane për të drejta të njeriut ose nga Gjykata Supreme e Republikës së Maqedonisë për shkeljet e të drejtës së gjykimit në afat të duhur, kjo t'i takojë pjesës së shkeljeve më të rënda diciplinore nëse është rezultat për mosangazhimin e gjykatësit, në suaza të Këshillit gjyqësor.

Për përmirësimin e punës në gjykatata dhe për transparencën e tyre më të madhe, siç thotë Manevski, në vijim është renovimi dhe pajisimi i nëntë gjykatësve me kompetencë të zgjeruar, u vendos internet në të gjitha gjykatat dhe të gjitha gjykatat kanë edhe ueb faqe, në të cilat publikohen aktgjykimet gjyqësore.

Ai theksoi se në fillim të vitit të ardhshëm do të fillojë ndërtimi i gjykatës së re penale në Shkup, e cila do të ketë kapacitet prej 8.200 metrave katrorë, ndërsa do të ketë sallë të gjykatës për 200 persona dhe kabinete të gjyqtarëve.

Rezultatet nga reformat në gjyqësi, sipas tij, ndjehen në punën e gjykatave themelore kur vazhdon tendenca e zvogëlimit të numrit të lëndëve të sapopranuara.

"Nëse në gjykatat themelore në Maqedoni në vitin 2006 janë pranuar 837.999 lëndë, përfundimisht me nëntoritn e këtij viti në gjykatat janë pranuar 536.761 lëndë, që paraqet zvogëlim të lëndëve të sapopranuara për 301.238 lëndë, respektivisht për 36 për qind", tha Manevski.

Zvogëlimi i madh i lëndëve të sapopranuara, siç thekson, ka të bëjë me atë që konform dokumenteve ndërkombëtare një pjesë e punës nga gjykatat bartet në kompetencë të organeve tjera, respektivisht lëndët ekzekutive barten tek ekzekutuesit, ndërsa lëndët e trashëgimisë tek noterët.

Në pyetjen sa persona nga Maqedonia luftojnë me ekstradimin, Manevski tha se vazhdimisht rritet numri i personave që ekstradohen, nga 39 në vitin 2006, 51 në vitin 2007, 59 në vitin 2008, ndërsa për nëntë muajt nga ky vit numri arrin 35 persona.

"Më i madh është numri i personave që ekstradohen nga vendet e huaja në Maqedoni sesa anasjelltas. Ata janë persona që e kanë braktisur shtetin edhe pse nuk ka përfunduar procedura dënuese ose kanë ikur nga vendi dhe kërkohen me urdhër -arreste", theksoi Manevski.

Në planin e ekstradimit, siç nënvizoi, nuk vërehen kurrfarë probleme, gjithçka zhvillohet në kuadër të Konventës evropiane për ekstradim dhe në kuadër të Ligjit për procedurë penale në Republikën e Maqedonisë.

Sipas tij, një problem të caktuar paraqet ekstradimi i personave me shtetësi të dyfishtë, sepse kjo shfrytëzohet edhe për qëllime tjera, respektivisht për shmangie të përgjegjësisë dënuese dhe kryerje të dënimit.

"Disa raste të këtilla ka edhe në Maqedoni. Këto persona me mençuri e shfrytëzojnë shtetësinë e dyfishtë që ta shmangin përgjegjësinë e dyfishtë në Maqedoni, ndërsa janë dënuar për vepra të caktuara ndëshkuese. Shpresoj se në kuadër të dispozitave ndërkombëtare, por edhe në legjislativat vendore do të rregullohet çështja për shtetësi të dyfishtë të mos mund të shfrytëzohet si mundësi për shmangie të përgjegjësisë ndëshkuese", thekson ministri i Drejtësisë.

Rezultatet e revysë humanitare të modës “Ta vazhdojmë jetën” , e cila u mbajt më 30 nëntor do të shpllen të mërkurën në Shkup.
Kjo revy humanitare u mbajt me qëllim të mbledhjes së mjeteve financiare për furnizim të sistemit për mbështetje të aparatit për aplikim të citostateve pran Klinikës për onkologji dhe radioterapi.
Aksioni humanitar i cili u mbajt më 30 nëntor të vitit 2009, në Sallën Universale në Shkup përfshiu përmbajtje të ndryshme si: telethon, performanse të emrave të njohur muzikor të estradës së Maqedonisë dhhe revy mode të gala fustaneve të shtëpisë së modës Elena Luka.
Fustanet i mbanin gratë e njohura të jetës publike, të cilat biseduan me udhëheqësit për dimensionin humanitar të ngjarjes dhe  iu përgjigjeshin thirrjeve telefonike të qytetarëve që donuan në Fondin.

Moti në Maqedoni të mërkurën, sipas meteorologëve, do të mbajë mot me diell me vranësira mesatare, me paraqitje të mjegullës në disa fushëgropa të caktuara. Pritet të fryjë erë e dobët deri në mesatare nga drejtimi jugor.
Temperaturat minimale do të lëvizin prej minus 3 deri në 3 gradë, ndërsa ajo maksimale prej 8 deri 14 gradë.
Në Shkup dhe rrethinë moti do të jetë me diell me vranësira mesatare, me temperaturë maksimale deri në 10 gradë.