Presidenti i Malit të Zi, Filip Vujanoviq, deklaroi se dekreti për vendosjen e ambasadorit malazez në Prishtinë do të realizohet atëherë kur Kosova do t`i njohë malazezër si minoritet.
“Jam i bindur se kjo çështje duhet të zgjidhet para se të shkëmbejmë ambasadorë, meqë kjo është korrekte ndaj komunitetit tonë në Kosovë, e kjo është raport i pritur korrekt në Kosovë ndaj Malit të Zi”, deklaroi Vujanoviqi në intervistën për numrin e Vitit të Ri të gazetës “Pobjeda”.
Presidenti i Malit të Zi vlerësoi se komuniteti etnik malazez në Kosovë tani është në “pozitë të palakmueshme”, për shkak se në Parlamentin e Kosovës të gjithë komunitetet tjera kanë deputetë të vetë, ndërsa vetëm malazezët nuk janë të përfaqësuar.
Vujanoviqi ka potencuar se në regjistrimin e vitit 1981 në Kosovë ka pasur mbi 28.000 malazezë, që i bën komuniteti i dytë joshqiptar për nga madhësia pas serbëve.
Kushti i dytë që Podgorica zyrtare e parashtron për vendosjen e marrëdhënieve diplomatike me Prishtinën është sigurimi i kushteve për kthimin e refugjatëve në Kosovë.

Shpallja e pavarësisë së Kosovës shënoi fundin e dramës së shpërbërjes së ish-Jugosllavisë dhe u caktua arkitektura e hapësirës së Evropës Juglindore.
Këtë në intervistë për edicionin e Vitit të Ri të gazetës prishtinase “Koha ditore” e deklaroi presidenti kroat Stipe Mesiq, i cili më 8 janar duhet të vizitojë Kosovën.
“Askush nuk mund ta detyrojë Serbinë që ta njeh Kosovën si shtet të pavarur, derisa vetëdija për një gjë të tillë nuk pjeket në vet Serbinë”, tha Mesiq.

Parlamenti i Kosovës në seancën e fundit të këtij viti ka miratuar buxhetin për vitin 2010, ndonëse grupet e partive opozitare, AAK, LDD dhe AKR e kanë kundërshtuar miratimin e buxhetit dhe në shenjë pakënaqësie janë larguar nga salla.
Deputet nga këto tri grupe parlamentare kanë kritikuar Ministrinë e Ekonomisë se ka hartuar një projekt buxhet që ka për qëllim zhvillimin e korrupsionit në vend dhe favorizimin e disa grupeve të interesit.
"Ky buxhet është tërësisht konsumues, jo zhvillimor, dhe përveç kësaj të tëra investimet kapitale që janë të planifikuara në këtë projekt-buxhet, janë të orientuara për interesa partiake, grupore e që realisht favorizojnë korrupsionin", tha Besa Gaxherri, deputete e LDD-së.
"Grupi jonë, në leximin e parë ka kërkuar nga ministri i Ekonomisë dhe Financave një sqarim i cili bazën ligjore e ka te rregullat për transparencë dhe kuptueshmëri të plotë të ligjit për buxhetin. Kërkesa e jonë erdhi pas vërejtjeve që i kemi bërë në draftin e buxhetit 2010 i cili ka qenë që të epet sqarim për 148 milion euro të cilat vitet që po i lëmë pas kanë figuruar në buxhet, kurse kanë humbur gjurmët në draftin e buxhetit për vitin 2010", u shpreh Haki Shatri, deputet i AAK-së.
Buxheti i vitit 2010 u miratua me 66 vota pro dhe 4 kundër, vota këto të deputetëve të partive të koalicionit.

Shqipëria implementoi reformat për identifikimin e dokumenteve personale, vendosi edhe kontrollë 24 orëshe on-line nëpër kufij, por është bërë pak në luftën kundër korrupsionit, deklaroi ambasadori gjerman në Shqipëri, Bernd Borçart.
Borçart e theksoi nevojën që Shqipëria të ndërmarrë hapa konkrete për përballje me korrupsionin, para se të vjen deri te kontrolli nga Bashkimi Evropian.
“Në pranverën e vitit të ardhshëm në Shqipëri do të vijë sërish një mision i BE-së, i cili do të shikojë stadin e luftës kundër krimit të organizuar dhe korrupsionit. Ju jeni në dijeni për lajmet negative të dhëna në nëntor për “Transparency International”, përsa i përket luftës kundër korrupsionit. Gjermania do ju mbështesë edhe në këtë sektor, për të arritur progres. Por duhet që mision i ardhshëm i BE-së në Shqipëri të gjejë progresin e duhur”, u shpreh Borçart.

Republika e Çekisë mori ofertë që të marrë pjesë në ndërtimin e naftësjellësit ballkanik, i cili duhet të jetë hallkë kyçe në zinxhirin e furnizimit në Evropë me naftë kaspike, shkruan në botimin e internetit të javores çeke "Euro", duke iu referuar deklaratës së zëdhënësit të Ministrisë çeke të Industrisë dhe Tregtisë, Tomash Bartovski.

"Në fillim të shtatorit këtë vit deri te ministria e jonë u drejtua Armen Agasarjan, drejtor i kompanisë "Klin Enerxhi Alajans" me ofertë që të marrim pjesë në realizimin e naftësjellësit AMBO dhe ne treguam interes që të fitojmë më shumë informacione për projektin që ta vlerësojmë bashkëpunimin potencial", deklaroi Bartovski.

Siç njoftoi korrespodenti i MIA-s nga Praga, sipas Bartovski "Klin Enerxhi Alajans" është një nga firmat-binjake të kompanisë amerikane "AMBO", e cila duhet ta ndërtojë dhe të ekonimikojë me naftësjellësin me gjërësi prej 894 kilometra, i cili duhet të kalojë nëpërmjet Bullgarisë, Maqedonisë dhe Shqipërisë dhe përmes tij në ditë nga qyteti bullgar Burgas deri te porti i Vlorës në Shqipëri të transportohen 750.000 barel të naftës kaspike.

Marrëveshja për ndërtimin e këtij naftësjellësi është nënshkruar nga ana e Shqipërisë, Maqedonisë dhe Bullgarisë në vitin 2007 dhe dokumenti i cili e rregullon ndërtimin, punën dhe mbajtjen e naftësjellësit e ratifikuan paralamentet e tre vendeve. 

Kandidati i Partisë opozitare Socialdemokratike (SDP), Ivo Josipoviq dhe partiaku i tij Milan Bandiq u ranguan në raundin e dytë të zgjedhjeve presidenciale në Kroaci, që do të mbahen më 10 janar.

Një bombë sot në mëngjes shpërtheu para ndërtesës së Kompanisë shtetërore të sigurimeve në qendër të Athinës, me ç’rast është shkaktuar dëm material, por nuk ka informata për të lënduar, lajmëroi policia.
“Kishte paralajmërime përmes telefonit rreth 15 minuta para shpërthimit, por askush nuk mori përsipër përgjegjësinë për sulmin”, deklaroi një përfaqësues i paemëruar i policisë.
Prej këtu informojnë se mjeti shpërthyes ishte vendosur në hyrjen e ndërtesës së kompanisë së sigurimeve, në afërsi të hotelit “Ledra”.
Ky është i fundit nga seria e sulmeve më bomba të grupeve majtiste dhe anarkiste, që goditën Greqinë pas vrasjes së Aleksisit 15 vjeçarë. Minori humbi jetën në natën e 6 dhjetorit të vitit 2008 gjatë një kontrolli policor në paralagjen “Eksarhia” në qendër të Athinës.