Në solemnitetin të cilin do ta drejtojë aktorja hollyvudiane Çarlis Teron, 32 seleksione do të ndahen në tetë grupe me nga katër ekipe.
Bartëse të grupeve do të jenë kampioni aktual botëror Italia, kampioni evropian Spanja, si dhe Brazili, Holanda, Gjermania, Argjentina, Anglia dhe nikoqiri i Mundialit, Afrika e Jugut.
Pas një kohe të gjatë, në mesin e bartësve nuk janë francezët, të cilët si edhe portugezët janë në grupin e dytë në shoqëri me Danimarkën, Greqinë, Serbinë, Sllovakinë, Slloveninë dhe Zvicrën.
Sipas rregullave të shortit, vetëm seleksionet evropiane mund të jenë në grup të njëjtë, edhe atë më së shumti dy, përderisa kjo nuk vlen për të gjitha federatat tjera kontinentale. Kjo do të thotë se Brazili apo Argjentina nuk do të jenë në grup të njëjtë me Paraguain apo Uruguain, si dhe Afrika e Jugut me ndonjërën prej kombëtareve tjera afrikane.
Në grupin e tretë janë Australia, Japonia, Korea e Jugut, Korea e Veriut, Hondurasi, Meksiko, SHBA-të dhe Zelanda e Re, ndërsa në grupin e katërt Algjeria, Kameruni, Bregu i Fildishtë, Gana, Nigeria, Çile, Paraguai dhe Uruguai.