Hidhet shorti për Kampionatin Botëror në futboll

e premte , 04 dhjetor 2009

Short me të cilin do të formohen grupet për Kampionatin Botëror në futboll, do të mbahet të premten mbrëma në Kejptaun. Komiteti organizues i bëri të ditur përbërjet e katër vazove për Mundialin e 19-të me radhë, që verën e ardhshme do të mbahet në Afrikën Jugore. Si bartës janë ranguar reprezentacionet e Brazilit, Spanjës, Holandës, Italisë, Gjermanisë, Argjentinës, Anglisë dhe Afikës Jugore. Në vazon e dytë janë përfaqësuesit e Azisë dhe Amerikës Veriore dhe Qendrore, Japonia, Korea e Jugut, Korea e Veriut, Australia, SHBA-të, Meksika, Hondurasi dhe Zelanda e Re. Seleksionet afrikane dhe latinoamerikane janë vendosur në vazon e tretë: Algjeria, Kameruni, Bregu i Fildishtë, Gana, Nigeria, Kili, Paraguai dhe Uruguai. Përfaqësuesit evropian Danimarka, Franca, Greqia, Portugalia, Sllovakia, Sllovenia, Serbia dhe Zvicra do të tërhiqen nga vazoja e katërt.

 

Vazhdoni >