"Në rend dite të BE-së vitin e ardhshëm do të jetë çështja për zgjerimin me Islandën dhe me Maqedoninë", paralajmëroi Merkel, e cila, siç njoftoi Dojçe Vele, sot i informoi deputetët në Bundestag për përmbajtjen e bisedimeve në samitin e liderëve të BE-së më 10 dhe 11 dhjetor në Bruksel, si dhe për konferencën klimatike në Kopenhagë.

Merkel u bëri thirrje parlamentarëve më intensivisht të diskutojnë për tema, të cilat janë me rëndësi të madhe për BE-në, ndërsa mes tyre e përmendi edhe zgjerimin.

"Për nismat e rëndësishme ligjore nga Brukseli duhet të debatohet më intensivisht në këtë Parlament, sesa që kjo ishte rast para hyrjes së fuqi të Traktatit të Lisbonës. Kjo, kuptohet ka të bëjë edhe me temat, për të cilat u bisedua më 10 dhe 11 dhjetor në Këshillin evropian, pikërisht për çështjen e zgjerimit të BE-së. Si qeveri federale, në mënyrë ligjore vërtetuam obligim të rritur për informim dhe mundësi për bashkëveprim të Bundestagut. Këshilli Evropian paralajmëroi se vitin e ardhshëm në rend dite do të vendoset çështja për negociatat qasëse me Islandën dhe me Maqedoninë. Çështja, se cilat vende duhet t'i takojnë BE-së i godet të gjithë qytetarët dhe kjo duhet të pasqyrohet në debatet tona. Mendoj se kjo do të ndodhë", tha Merkeli.