Nën regjinë e Osman Mulës, drejtim artistik të Selim Ishmakut, skenografi të Carlo Canes do të konkurrojnë sot këngëtarë e kompozitorë të njohur. Do të jenë në garë kompozitorë si Agim Krajka, Ardit Gjebrea, Adrian Hila, Pirro Çako, Dorian Nini, Endri Sina, Kristi Popa, Bojken Lako, etj., të cilët ua kanë besuar krijimet e tyre këngëtarëve si Juliana Pasha, Rovena Dilo, Rona Nishliu, Anjeza Shahini, Kejsi Tola, etj.

Ndërsa nata e dytë do të vijojë me 15 këngëtarë dhe grupe të rinjsh, të cilët rikthejnë traditën e natës së të rinjve.

Nata e tretë do të sjellë duetet, ndërsa nata finale - 27 dhjetor, pritet të nxjerrë këngën që do të përfaqësojë Shqipërinë në festivalin Evropian.