Seanca në Kuvendin e Republikës së Maqedonisë sot do të mbajnë edhe komisionet për shëndetësi, për transport, lidhje dhe ekologji dhe financim dhe buxhet.

Anëtarët e komisionit për shëndetësi do të debatojnë për propozim ligjin për shëndet publik (leximi i parë), ndërsa në rendin e ditës së komisionit për transport, lidhje dhe ekologji është propozimi i ligjit për ndryshimin e ligjit për veprimtari radiodifuzive (leximi i dytë).

Komisioni për financim dhe buxhet do të shqyrtojë për raportin gjysmëvjetor të Bankës Popullore të Republikës së Maqedonisë për periudhën janar-korrik të vitit 2009 dhe për raportin e Bankës Popullore të Republikës së Maqedonisë për sistemin bankiar dhe supervizionin bankiar në Republikën e Maqedonisë në gjysmën e parë të vitit 2009. Propozimi i rendit të ditës plotësohet me raportin e Bankës Popullore për udhëheqjen dhe manipulimin me rezervat devizore në gjysmën e parë të vitit 2009.