September 9th, 2010
Деновиве вниманието на светската музичка јавност е привлечено од новиот компакт диск на кое македонскиот виртуоз на пијаното го свири Шопен. Своевидната македонска промоција на ова цеде се случи на нашата програма низ разговорот што со Симон Трпчески го води Тони Цифровски.
Денес на МТВ1 во 20 часот и 15 минути премиерно ќе се емитува исклучително богатата визуелна документарна приказна за животот и мисијата на Претседателот Борис Трајковски.Филмот ги прикажува аспектите на неговата личност како човек, верник и политичар.
Во уметнички осмислен склоп на искази од дваесетмина еминентни светски и домашни личности, меѓу кои и неговите најблиски, се појавуваат и фрагменти од најсугестивните говори на Трајковски, а користен е обемен ексклузивен архивски материјал.
Мото на филмот е вербата во Македонија, што беше и главен слоган на неговата кампања за избор на Претседател на РМ.
60-минутниот документарен филм е реализиран во продукција на Македонската Телевизија, а во копродукција со Фондацијата Борис Трајковски.
Сценарио: Мирјана Василева, Горан Тренчовски
Камера: Соколе Јосифовски и др.
Тон: Филип Поповски
Светло: Ацо Спасевски
Монтажа: Драгица Лазаревиќ
Режија: Горан Тренчовски
„ВО СПОМЕН НА ПРЕТСЕДАТЕЛОТ“ - вака е насловена специјалната емисија на Македонското радио - Радио Скопје, подготвена по повод тригодишнината од загинувањето на претседателот на Република Македонија Борис Трајковски.
Во емисијата се поместени радио стории за личноста, делото, човекољубието и хуманоста на претседателот Борис Трајковски.
Емисијата ќе се емитува денеска од 16.30 часот.
Автор: Свето Стаменов
Аудио дизајн: Билјана Николовска и Мирче Костадиновски
19 февруари 2007, „Слушајте радио”
На 14 овој месец на брановите на јавниот радиодифузен сервис на Војводина, Радио Нови Сад, беше емитувана првата емисија на македонски јазик „Македониум”. Оваа емисија, како што беше најавено, ќе се емитува секоја среда во вечерните часови и нејзина основна цел ќе биде да ги информира припадниците на македонската национална заедница во Република Србија и во Војводина за сите настани што се од нивен интерес.
Започнувањето на емитувањето на оваа емисија е плод на повеќегодиншните напори на Националниот совет на македонската заедница во Србија, кој во последниве месеци постигна големи резултати на полето на информираноста на Македонците. Емисии на македонски јазик се емитуваат и на Телевизија Нови Сад и на Телевизија Панчево, а од неодамна Македонците можат да се информират и преку првиот печатен медиум на македонски јазик во Србија весникот „Македонска виделина”.
Почитувани слушатели, на линија го имаме претседателот на Извршниот совет на Националниот совет на македонската национална заедница во Република Србија Борче Величковски.
17 февруари 2007, „Радио спектар”
- Господине Манасијевски, Либерално-демократската партија од неделата има ново раководство, на чие чело сте токму Вие. Тоа е епилогот на последниот партиски конгрес, на кој беше извршена анализа на работата на Партијата меѓу двата највисоки партиски форума и, посебно, на слабите резултати што ги постигна ЛДП на последните избори. Како ги оценувате работата на Конгресот и одлуките што произлегоа од него?
- Конгресот на ЛДП беше навистина атипичен за македонски услови. Атипичен во смисла на тоа дека ЛДП одржа вистинска лекција како се организира еден конгрес, кој имаше жесток натпреварувачки карактер на двајца кандидати со сопствени агенди, а сепак сето тоа беше направено во една максимално фер и конструктивна атмосфера, така што мислам дека самото такво одвивање и на Конгресот и целата претконгресна и постконгресна атмосфера е навистина голем поен за нашата партија.
Од коментарите што овие денови по Конгресот ги добиваме и од членството и од граѓаните може да се почувствува една навистина многу убава атмосфера и признавање на граѓаните дека она што е направено околу Конгресот и на самиот конгрес навистина ја разликува нашата партија од другите и дава шанса и перспектива таа да заземе позначајно место на македонското политичко небо.
Изработено со Wordpress.
XHTML | CSS | RSS | Коментари RSS