MRT Blog

САРКОЗИ ДОБИ РЕАЛНА ОПОЗИЦИЈА0
Свето Стаменов posted in Интервју on Јуни 23rd, 2007

Телефонски разговор со дописникот на „Утрински весник” од Париз Тони Гламчевски

18 јуни 2007, „Слушајте радио”

- Колега Гламчевски, вчера во Франција беше одржан вториот круг од парламентарните избори, со кој конечно беше формиран новиот состав на Француското национално собрание. Па, што кажуваат резултатите и каков, според нив, ќе биде составот на новиот француски парламент?

- Добар ден, колега Стаменов! Најпрвин, поздрав на слушателите на Македонското радио и да кажеме дека од вкупно 577 пратенички места претседателското мнозинство во неделата освои 344, од кои водечката УМП - 317. За победата да биде уште погорчлива за десницата се погрижи вицепремиерот Алан Жипе, кој беше поразен во Бордо, по што тој мораше да се откаже од министерската функција. Иако УМП располага со апсолутно мнозинство, сепак, бројот на пратеничките места е помал во споредба со досегашните 359. (повеќе..)

ЕКСКЛУЗИВНО ИНТЕРВЈУ НА ПОРАНЕШНИОТ МИНИСТЕР ЗА НАДВОРЕШНИ РАБОТИ НА РЕПУБЛИКА БУГАРИЈА СОЛОМОН ПАСИ ЗА МАКЕДОНСКОТО РАДИО - РАДИО СКОПЈЕ0
Свето Стаменов posted in Интервју on Јуни 23rd, 2007

16 јуни 2007, „Радио спектар”

- Господине Паси на средбата со премиерот Груевски се согласивте да и бидете консултант на македонската влада во процесот на приближување до полноправно членство во НАТО - пактот. Вие бевте шеф на бугарската дипломатија токму во времето кога Вашата земја ги правеше последните решавачки чекори за вклучување во евро и во евроатлантските интеграции. Па, што како консултант ќе и понудите на македонската влада во овој за Македонија исклучително важен и судбоносен период, кога таа се наоѓа пред вратите на НАТО и пред добивањето датум за започнување на преговорите за членство во Европската унија?

- Најпрвин сакам да им се заблагодарам на премиерот Никола Груевски и на Владата за големата чест со која ме удостоија. Но, веднаш сакам да додадам дека тоа за мене е еден голем предизвик. Јас го информирав премиерот дека тој одвај има потреба за совет. Повеќе сум склон да ги споделам грешките што ги направи Бугарија на нејзиниот пат кон НАТО и Европската унија и тешкиот пат по кој ние минавме. Веројатно ние можевме да минеме по пократок пат, можевме да минеме по полесен пат. Го избравме подолгиот и потешкиот, кој ни однесе 17 години до членството во Европската унија, но на крајот на краиштата, се е добро кога завршува добро. Искрено се надевам дека и вие во Македонија ќе го поминете што побргу вашиот пат и оти тој да биде колку што е можно полесен. (повеќе..)

ИНТЕРВЈУ НА АМБАСАДОРОТ НА РЕПУБЛИКА ЦРНА ГОРА ВО РЕПУБЛИКА МАКЕДОНИЈА ДУШКО ЛАЛИЌЕВИЌ ЗА МАКЕДОНСКОТО РАДИО - РАДИО СКОПЈЕ0
Свето Стаменов posted in Интервју on Јуни 22nd, 2007

11 јуни 2007, „Слушајте радио”

- Ваша екселенцијо, Вашата земја, Република Црна Гора, деновиве, поточно на 21 минатиот месец, ја одбележа првата годишнина од референдумот со кој таа стана самостојна и независна држава, односно по речиси сто години си ја поврати својата сувереност. Па, како ја оценувате првата година на независна и суверена Република Црна Гора?

- Најпрвин, дозволете ми да ве поздравам Вас и Вашите слушатели, кои воедно би ги потсетил дека Црна Гора е една од најстарите балкански држави и оти има повеќевековна традиција на државност. Враќањето на независноста за кратко време даде позитивни резултати, како на меѓународен, така и на внатрешен план и, да бидам искрен, ние оценуваме дека тие се над нашите очекувања. Црна Гора по забрзана процедура е примена во Обединетите нации и во многу краток период е призната од речиси сите членки на Организацијата на обединетите нации. (повеќе..)

ИНТЕРВЈУ НА ПАВЛЕ ТРАЈАНОВ, ШЕФ НА МАКЕДОНСКАТА ДЕЛЕГАЦИЈА ВО СОБРАНИЕТО НА ЗАПАДНОЕВРОПСКАТА УНИЈА, ЗА МАКЕДОНСКОТО РАДИО - РАДИО СКОПЈЕ0
Свето Стаменов posted in Интервју on Јуни 22nd, 2007

9 јуни 2007, „Радио спектар”

- Господине Трајанов, Вие и господинот Борис Кондарко како членови на делегацијата на македонското собрание деновиве учествувавте во работата на годишното собрание на Западноевропската унија во Париз, посветено на утврдувањето на одбранбената и безбедносната стратегија на Европската унија во наредниот период. Какви се Вашите впечатоци и како ја оценувате неговата работа?

- Ова собрание заседава двапати годишно и тоа секогаш во Париз. Во работата на Собранието учествуваат сите земји - членки на Европската унија со свои претставници. Тоа се членови на парламентите на државите, парламентарци во Европскиот парламент и, исто така, министри. Но, што е најбитно учествуваат и земји кои не се членки на Европската унија. Тука е и Република Македонија како кандидат за влез во Европската унија. (повеќе..)

ПРОШТАЛНО ИНТЕРВЈУ НА АМБАСАДОРОТ НА РЕПУБЛИКА СЛОВЕНИЈА ВО РЕПУБЛИКА МАКЕДОНИЈА МАРЈАН ШИФТАР ЗА МАКЕДОНСКОТО РАДИО - РАДИО СКОПЈЕ0
Свето Стаменов posted in Интервју on Јуни 4th, 2007

4 јуни 2007, „Слушајте радио”

- Ваша екселенцијо, на крајот сте на четиригодишниот мандат како амбасадор на Република Словенија во Република Македонија и за неколку дена заминувате од Скопје. Па, со какви импресии ја напуштате Република Македонија?

- Прво, ви благодарам што повторно се сретнуваме на крајот на четиригодишниот мандат, кој сега истекува. Прво, ви се заблагодарувам за овој разговор, ви се заблагодарувам за можноста што можеме да поразговараме за Вашите слушателки и слушатели на централното радио во Република Македонија. Импресиите, прашувате, се исклучително богати, исклучително сестрани, без оглед дали зборуваме за живеењето и за работата. Па, така, кога велите дека ја напуштам Република Македонија, јас би рекол дека ја напуштам за одредено време, завршувам одреден период, формален мандат на амбасадор на Република Словенија. Целото богатство на импресиите од овие четири години воедно морално ме обврзува и стимулира, да останам, не само со пријателите тука во Република Македонија, но и поинаку, поврзан колку што е можно повеќе со Република Македонија и понатаму. (повеќе..)

— Следна страница »

САРКОЗИ ДОБИ РЕАЛНА ОПОЗИЦИЈА0
Свето Стаменов posted in Интервју on Јуни 23rd, 2007

Страници:

Врски

Автори:

Категории:

Архиви:

MRT Blog

САРКОЗИ ДОБИ РЕАЛНА ОПОЗИЦИЈА0Свето Стаменов posted in Интервју on Јуни 23rd, 2007

Страници:

Врски

Автори:

Категории:

Архиви:

САРКОЗИ ДОБИ РЕАЛНА ОПОЗИЦИЈА0
Свето Стаменов posted in Интервју on Јуни 23rd, 2007