Фудбал Лига на шампиони – 6 коло

Милан и Ајакс во „клинч“ за осминафинале

11.12.2013 13:00

Пет празни осминафинални места вечерва ќе пополни Е – Х сегментот во Лигата на шампионите. Пресметката на некогашните европски прваци Милан и Ајакс ќе го промовира вториот осминафиналист од групата „Х“. Таму веќе е Барселона која со победа против Селтик ќе ја обезбеди првата привилигирана позици. На „росонерите“ им е доволно и реми затоа што во пресрет на четрнаесетиот дуел со Ајакс имаат бод повеќе. Преносот од „Сан Сиро„ ќе биде на МРТ1 во 20 и 45.

Пет празни осминафинални места вечерва ќе пополни Е – Х сегментот во Лигата на шампионите. Пресметката на некогашните европски прваци Милан и Ајакс ќе го промовира вториот осминафиналист од групата „Х“. Таму веќе е Барселона која со победа против Селтик ќе ја обезбеди првата привилигирана позици. На „росонерите“ им е доволно и реми затоа што во пресрет на четрнаесетиот дуел со Ајакс имаат бод повеќе. Преносот од „Сан Сиро„ ќе биде на МРТ1 во 20 и 45.

Математички, најкомплицирано е во групата „Ф“. Постои можност првпат во историјата на Лигата на шампионите, 12 бода да не бидат доволни за европска пролет. Во најнезгодна позиција е Наполи. За пласман меѓу 16-те, на екипата на Горан Пандев и е потребен триумф од три разлика против Арсенал на „Сао Паоло„. При таков резултат и победа на Борусија Дортмунд во Марсеј, сезоната ќе заврши за „топчиите„. На лондончани им одговара и пораз од два гола, на Наполи и нерешено под услов „милионерите„ да загубат на „Велодром„ кај отпишаниот Олимпик. Ако Италијанците и Германците завршат со ист број бодови, но без Англичаните, тогаш ќе профитира Борусија затоа што е подобра во меѓусебните мечеви со Наполи.

Наколку варијанти се во игра и во „Г“ конкуренцијата. Наједноставната е Зенит да победи во Виена кај Австрија којашто е без шанси и да му се придружи на Атлетико во осминафиналето. За евентуален прогрес, на Порто му се неопходни три бода од Мадрид, но и кикс на Русите. Ако Зенит и Порто соберат по девет бода, тогаш дел од извлекувањето в петок ќе биде тимот од Санкт Петербург бидејќи на „Драгао“ славеше со 1:0, а дома одигра 1:1.

Челзи е веќе во нокаут фазата, со победа дома против Стеауа и како првопласиран во групата „Е“. Базел и Шалке во меѓусебен дуел ќе решат за втората позиција. Швајцарците се во предност затоа што имаат бод повеќе, играат на „Сент Јакоб“ и им одговара и нерешено.

Група „Е“

Челзи – Стеауа         

Базел – Шалке

1. Челзи                       9

2. Базел                       8

3. Шалке                     7

4. Стеауа                    3

Група „Ф“

Наполи - Арсенал    

О. Марсеј – Борусија Д.

1. Арсенал                  12

2. Борусија Д.              9

3. Наполи                    9

4. О. Марсеј                0

 

Група „Г“

Австрија В. - Зенит  

Атлетико М. - Порто

1. Атлетико М.          13

2. Зенит                      6

3. Порто                     5

4. Австрија В.             2

 

Група „Х“

Милан - Ајакс           

Барселона - Селтик

1. Барселона               10

2. Милан                      8

3. Ајакс                        7

4. Селтик                     3