Програмирањето е најдобрата ИТ вештина за 2015 година

28.11.2014 11:16

Ова е веќе трета година по ред програмерите да се наоѓаат на врвот на листата на најбарани ИТ занимања...

Програмирањето следната година ќе биде најбарана ИТ вештина кај работодавачите, покажало годишното истражување спроведено од Computerworld.com. 
 
Според оваа анализа компаниите повеќе ќе вработуваат програмери отколку било кои други ИТ занимања. Ова е веќе трета година по ред програмерите да се наоѓаат на врвот на листата на најбарани ИТ занимања. 
 
Некои компании постојано имаат отворени конкурси за овие позиции, кои се активни во текот на целата година. Најбарани програмери се оние кои познаваат технологии и програмси јазици кои се моментно актуелни на пазарот.
 
Најголемо изненадување на годишената листа на најбарани ИТ вештини се веб дизајнерите кои го зазедоа високото петто место. Тие се занимаваат со развој на интернет сајтовите и апликациите. Програмскиот јазик кои тие најчесто го користат е PHP, кој е еден од најбараните програмски јазици денес.