Вселена

Се разбуди Розета, европскиот ловец на комети

21.01.2014 09:16

По 31 месец хибернација, се разбуди ловецот на комети Розета на Европската вселенска агенција.

По 31 месец хибернација, се разбуди ловецот на комети Розета на Европската вселенска агенција. Сигналот дека Розета е активна вчера вечер го примија контролорите во Дармштад, Германија, пренесува „Би-Би-Си“.

Розета изминатите 957 дена ги помина во хибернација за да зачува енергија бидејќи ја напушти орбитата на Јупитер за да се сретне со кометата „7П/Чурумов- Герасименко“ во август годинава.

Инжењерите сега ги подготвуваат финесите за траекторијата на Розета и инструментите за предизвикувачката комента со којашто европскиот ловец треба да оствари средба.

По влегувањето во орбитата на кометата „7П/Чурумов- Герасименко“ во ноември, Розета ќе испушти лендер „Филе“, чија задача ќе биде да направи дупка длабока 20 сантиметри во кометата, да земе примерок од површината за анализира, а резултатите да ги испрати во лабораторија.

Научниците и инжењерите кои работат на овој проект очекуваат оваа мисија да даде податоци за природата на самата комета и поранешните денови на Сончевиот систем.

Розета беше лансирана во март 2004 година, а за десет години престој во вселената три пати прелета покрај Земјата, за да го искористи нејзиното гравитационо поле, и да го забрза летањето, а еднаш покрај Марс со истата цел.