Пјонгјанг

Трета средба на лидерите на двете Кореи

18.09.2018 12:58

Лидерите на Северна и Јужна Кореја на средба во Пјонгјанг посветена на преговорите за нуклеарно разоружување кои се запрени поради недоволна согласност за поконкретните цели. Ова е првата посета во севернокорејската престолнина од страна на лидер од југот во последната деценија...

Јужнокорејскиот претседател Мун Џае-ин во Пјонгјанг на трет состанок со лидерот на северна Кореја Ким Јонг-ун. Делегацијата беше пречекана и од илјадници Севернокорејци со цвеќиња и слогани за повторно обединување. Дводневната посета е подготовка за разговорите меѓу Пјонгјанг и Вашингтон чијашто цел е да се стимулира таканаречената „нуклеарна дипломатија“. Се разгледуваат практичните чекори за намалување на нуклеарната закана на Полуостровот. Јужна Кореја цели кон подобрување на соработката со северниот сосед и во областа на економијата и културата, но и кон успешно посредништво меѓу Пјонгјанг и Вашингтон во однос на нуклеарното разоружување. САД инсистираат на денуклеаризација на Полуостровот, што е предуслов за намалување на санкциите.

Приоритет е да се одржат искрени и суштински разговори меѓу лидерите. Тие ќе почнат уште на првиот ден од посетата, без никакви формалности“, Им Јонг- Сеок, шеф на подготвителниот одбор за самитот.

Јужнокорејците пак на протест против самитот.

Северна Кореја никогаш нема да биде наш достоен соговорник. Сега мора да извршат денуклеаризација, а не да изведуваат трикови за да изнудат пари од нашите директори во светските компании.

Првите две средби на лидерите на двете Кореи беа одржани во пограничното село Панмунџом. Следуваше и обединување на семејства кои со децении беа разделени, а минатата недела на границата беше отворена и канцеларија за односи за директна деноноќна комуникација. Корејската војна заврши во 1953 година со примирје, но без официјален мировен договор.

 

Маја Филдишев