Прва лига фудбал

Пелистер ја напаѓа Шкендија во Тетово

29.11.2013 14:48

Продолжува трката на водечката четворка во македонската фудбалска прволигашка конкуренција и неизвесната битка на речиси половина лига за избегнување на опасната зона.

Продолжува трката на водечката четворка во македонската фудбалска прволигашка конкуренција и неизвесната битка на речиси половина лига за избегнување на опасната зона.

Во претпоследното коло од есенската полуетапа нема класично дерби па тетовската пресметка меѓу ранетата Шкендија и осоколениот Пелистер ветува најмногу возбуда. Овој натпревар ќе можете да го следите на МРТ 1 од 13 часот. Не би требало да има изненадувања во двобојот на лидерот Вардар кој го пречекува последнопласираниот Гостивар и на саботниот дуел во кој Работнички е голем фаворит против нискорангираниот Напредок. Дебармаалци повторно имаат шанса барем 24 часа да го преземат врвот на табелата. Хоризонт пред своја публика ќе бара три бода за одржување висок пласман и реванш со Ренова која во првиот дуел од сезоната славеше со 4-2. По поразот во дербито со Вардар, Металург шанса за рехабилитација и поход кон врвот добива во мечот со Македонија ЃП.. Во Штип се игра најнеизвесниот натпревар според позициите на табелата. Непријатниот гостин Еуромилк и доаѓа на Брегалница која е без триумф во последните пет првенствени рунди... 

***

Прва македонска лига, 18.коло

Работнички – Напредок (сабота, 13 часот)

недела, 13 часот

Вардар - Гостивар

Шкендија - Пелистер

Х. Турново - Ренова

Металург - Македонија ЃП

Брегалница - Еуромилк

***

Табела:

1.Вардар         30

2.Пелистер     30

3.Х.Турново   28

4.Работнички 28

5.Металург     26

6.Ренова         24

7.Еуромилк    21

8.Брегалница 21

9.Шкендија    21

10.Македонија ЃП 16           

11.Напредок  13

12.Гостивар   11

 

Југослав Костовски