RADIO TELEVIZIEA MACHIDUNEASCÃ

Radio Televiziea Machiduneascã (RTM) easti unã firmã publicã, a curi fondator easti-Adunarea-ali Republica Machedoniea. Activitatea-a ljei cu zãconea definite easti tu productsiea shi emitari-a programlui di radio shi televizii di tuti jeanrurli cu cari lipseashti s-hibã hãrniti sferili di informatsii, di culturã, di educatsii shi recreatsii tibunlu-a oaminjlor dit Republica Machedoniea.
    Tu compozitsiea-a ljei Radio televiziea machiduneascã li-ari-aesti pàrtsã di organizari: Radiolu machidunescu, Televiziea machiduneascã, Resursi ti productsii shi Functsiili comuni-ali RTM.
    Cu nauùa shemã ti organizari suntu-adrati sectorili comuni shi redactsii, nu mash ti cunumisearea-a hàrgilor ma sh-cama multu ti-adrari-a unlui program integrat di-un interes public ahurhindalui di sectorlu Hãbàri, Arhiva comunã, redactsiea ti Program multicultural, redactsiea ti Program multilingval shi-alti.
    Radiolu machidunescu ahurhi cu lucru pi 28 di-Andreù 1944, atumtsea cu numa Radio Scopia, cu transmisiea-a shedintsãljei a Defturãljei asamblei-a ASNOM-lui (organlu leghislativ a atumtsealui adratã Republica Machedoniea). Aestã data s-iurtuseashti ca Dzuùa-ali RTM.
    Ti-ahurheari ofitsialã-a lucrariljei a Televiziiljei machiduneascã (maninti Televiziea Scopia) s-lugurseashti 14 di-Andreù 1964.
    Tu-anlu 1993 Radio televiziea machiduneascã s-dispãrtsã dit Radio televiziili-a Iugoslaviiljei.
    Tu Zãconea ti-activitatea di radio-difuzii (24 di-Apriir 1997), Radio televiziea machiduneascã sã-mpãrtsã pi dauùã pàrts
    Tu Zãconea ti-activitatea di radio-difuzii (24 di-Apriir 1997), Radio televiziea machiduneascã sã-mpãrtsã pi dauùã parts: Radiodifuziea machiduneascã shi Radio televiziea machiduneascã. Dupã-articlul 77 di Zãconea ti radio televiziea, ti Radio televiziea machiduneascã sã-mpartu 61% di-adunata taxã ti radiodifuzii.
    Radiolu machidunescu cafi dzuùã emiteadzã 86,5 di sãhàts program pi treili programi-a lui sh-pi Programlu-satelit.
    Pi programlu un radiadzã program di 24di sãhàts fãr di curmari.
    Pi Programlu doi – Radio 2 emiteadzã program di 16 di sãhàts di la sãhatea 06 pãnã la sãhatea 22, a deapoaia s-dutsi Programlu trei di la sãhatea 22 pãnã la sãhatea 02 (4 sãhàts program), a di tu sãhàtsli 02-06 program a lui emiteadzã Canalu 103.
    Programlu-satelit a Radiolui machidunescu (di pi 31.07.2003) emiteadzã 24 di sãhàts program fãr di curmari a tsi easti selectsii di emisii di pi programili-a Radiolui machidunescu shi program original “Radio Machedoniea” cu 6 sãhàts shi 30 di minuti.
    Radiolu machidunescu emiteadzã programi pi limbili tuti-a comunitàtslor ni majoritari dit Republica Machedoniea shi-atsea: pi limba-arbisheascã (dit anlu 1948) – 8,5 sãhàts ãn dzuùã; pi limba turtseascã (dit anlu 1945) – 5 sãhàts ãn dzuùã; pi limba-armãneascã (dit anlu 1991); pi limba romeascã (dit anlu 1991); pi limba sãrbeascã (dit anlu 2003) sh-pi limba bushnjeascã (dit anlu 2003) cãti 30 di minuti-n dzuùã, a s-emiteadzã shi Emisiili ti-ascultàtorlji dit xeani pi vãrgãreashti, pi gãrtseashti, pi-arbisheashti (dit anlu 1971) sh-pi limba sãrbeascã (dit anlu 1999) tu terminlu-a Radio Machedoniea.
    Radiolu machidunescu emiteadzã program a lui sh-pi internet.
    Televiziea machiduneascã cafi dzuùã emiteadzã program di 73 di sãhàts pi treili canàlji a ljei sh-pi Canalu-satelit.
    Pi Canalu un emiteadzã program di 24 di sãhàts fãr di curmari.
    Pi Canalu doi s-emiteadzã programlu ti comunitàtsli nimajoritari dit Republica Machedoniea. Pi-aestu canal s-emiteadzã program pi-arbisheashti, pi turtseashti, cum shi emisiili pi sãrbeashti, romeashti, armãneashti shi boshnjeashti.
    Canalu trei easti dishcljis tu-anlu 1991, atumtsea ca un canal experimental, a tora-I ti-activitàtsli-a Adunariljei ali Republica Machedoniea.
    Canalu-satelit lucreadzã dit anlu 2000) shi emiteadzã program 24 di sãhàts fãr di curmari, program tsi easti selectsii di programili-ali RTM, cum shi program original di 0,5 di sãhàts.

Protseslu di lucru dit RTM shi tu niscãntili pàrtsã di organizatsiea-l organizeadzã shi-l duc:
    -Director gheneral ali RTM
    -Vitse-director gheneral ali RTM
    -Director shi redactor-shef a Radiolui machidunescu
    -Director shi redactor-shef a Televiziiljei machiduneascã
    -Director ti resursi shi productsii
    -Agiutor a directorlui gheneral ti functsiili comuni
    -Redactor responsabil ti hãbàrli di la RTM

PRINTSIPALILI SFERILI DI ORGANIZATSII-ALI RTM
    RESURSILI TI PRODUCTSII DIT RTM
    FUNCTSIILI COMUNI DIT RTM
    ALTILI-ACTIVITTS COMUNI DIT RTM
    RADIOLU MACHIDUNESCU
    TELEVIZIEA MACHIDUNEASCÃ