Неуспешен обид за избор
Четири безуспешни обиди за избор на нов претседател на Уставниот суд. Ниту една од кандидатките не успеа да добие двотретинско мнозинство...
И по четири неуспешни обиди за избор на претседател на Уставен суд, ниту една од двете кандидатки не доби потребно двотретинско мнозинство од 6 гласа за да застане на чело на Уставен. Се гласало за избор помеѓу судијките Татјана Васиќ Бозаџиева и Ана Павловска Данева. Седницата за избор продолжува утре, информираат од судот.
„Согласно Деловникот, постапката за избор се повторува сè додека не се избере претседател на Уставен суд“, стои во соопштението до судот.
Се очекува наследникот на Кацарска да седне во фотељата пред втори јуни кога истекува нејзиниот мандат.
Седницата на гласање е затворена за јавноста.
И двете кандидатки имаат богата биографија. Ана Павловска Данева е професор по административно право на правниот факултет Јустинијан Први. Од 2011 до 2104 беше пратеник од СДСМ. Васиќ Бозаџиева била на високи позиции во министерства и други државни институции е од 1998. Државен советник била во министерството за здравство за време на претходните влади.
Мандатот на претседателот на Уставен суд е три години, без право на реизбор.
Игор Панов