Се препорачува трета доза вакцина за граѓаните над 60 години

Комитетот за имунизација препорача трета доза на вакцина кај сите граѓани над 60 години, кај сите здравствени работници и кај пациентите со имунокомпромитирана состојба без разлика на возраста, соопшти денеска министерот за здравство Венко Филипче. Вакцината треба да биде од производителот „Фајзер“.

Во земјава има доволно вакцини против Ковид-19. Дополнително, се очекуваат 250 илјади вакцини од производителот „Џонсон“, кои се донација од Данска.

Надмината е бројката од 700 илјади граѓани кои се ревакцинирани. Иако интересот е намален, дневно околу 2.000 граѓани се јавуваат за прва доза вакцина. Се зголемува бројот на слободни кревети на интерните клиники и на инфективната клиника.