Утре во Македонија се очекува претежно облачно време со повремени врнежи од дожд особено во попладневите часови.
Врнежите ќе бидат поинтензивни во западните и крајните источни делови (локално над 15 литри на метар квадратен).
Утре во Македонија се очекува претежно облачно време со повремени врнежи од дожд особено во попладневите часови.
Врнежите ќе бидат поинтензивни во западните и крајните источни делови (локално над 15 литри на метар квадратен).
Собранието го избра државниот правобранител Насер Ајдари за нов уставен судија, а поранешниот судија Ангел Солев и адвокатот Ангеле Илиевски за нови членови на Советот на јавни обвинители.
На седницата не присуствуваа пратениците од опозициската ВМРО-ДПМНЕ.
Поранешниот претседател на Државната комисија за спречување на корупција, Горан Миленков поднесе оставка. Доставена е до Собранието.
Во двор на напуштена куќа во скопско Арачиново вчера биле пронајдени девет парчиња ракети за минофрлач. Случајот бил пријавен во полиција, соопшти МВР.
Како што информираат оттаму, увид на местото извршиле екипи од Одделот за недозволена трговија и антитероризам.
СДСМ ја навреди македонската дијаспора дека е примитивна, поистоветувајќи ја со еден изолиран случај, само затоа што иселениците имаа храброст да го кренат гласот против антидржавните политики на Зоран Заев, велат од ВМРО-ДПМНЕ.
Два часа разговори меѓу премиерот Заев и лидерот на ВМРО-ДПМНЕ, Мицкоски. Остануваат разликите за името и за Законот за јазиците.
Собранието на Република Македонија денеска треба да ја одржи 35. седница на која на дневен ред се Предлог за избор на судија на Уставниот суд и Предлог за избор на членови на Советот на јавните обвинители.
Речиси тројно повисоко е нивото на реката Треска кај Македонски Брод во споредба со просекот за февруари, а Вардар и Сатеска се двојно зголемени, покажуваат денешните хидролошки мерења.
Повторно одложено рочиштето за случајот „Шпион“ поради оправдано отсуство на Туше Гошев, еден од адвокатите на обвинетите.
Неизвесна е бербата на 40.000 тони на скоро 1.000 хектари со пролетната зелка во струмичко, поради можните штети од температурните разлики од минатата недела кои се движеа од минус 10, па до плус 16 степени.