Прилепскиот суд ги отфрли жалбите и го потврди притворот до 30 дена за шестемина во случајот со болницата. Осомничените, четворица од болницата и двајца надворешни, остануваат во притвор во Битола и во Шутка.
Според бранителите на притворените, нема основи за притворот.
Европската унија со првична оценка за локалните избори. Конкурентни, во голема мера биле почитувани основните слободи, иако се одржале во високо поларизиран политички амбиент со некои процедурални недостатоци.
Министерката за енергетика, рударство и минерални суровини, Сања Божиновска, учествува на Berlin Global Dialogue 2025, еден од највлијателните глобални форуми што ги обединува државниците, визионерите и економските лидери кои ја обликуваат иднината.
На 24.10.2025 во 00:30 часот на улица „Христијан Тодоровски Карпош“ во Тетово, полициски службеници од СВР Тетово ги лишија од слобода М.Л.(33) и Х.Ш.(24), двајцата од Тетово, затоа што физички нападнале полициски службеници кои извршувале службени дејствија и затоа што при преглед кај нив, кај М
На 23.10.2025 во Неготино, полициски службеници од ОВР Неготино го лишија од слобода Б.П.(38) од Неготино.
Европската унија го поздравува тоа што локалните избори во Македонија беа конкурентни и што основните слободи во голема мера беа почитувани, вели портпаролот на Европската комисија за проширување, Мерсие. Кампањата продолжува, за вториот круг на локалните избори кои се закажани за втори ноември.
Истрагата во прилепската болница за наводи за местење на тендери продолжува. Во притвор се шест лица, а се врши проверка за евентуална инволвираност на уште 26 физички и правни лица. Кривичниот совет одлучува по жалбите за притворите.
Известува Елизабета Митреска.
Разрешениот директор на Клиниката за неврологија, доктор Иван Кузмановски ќе треба да помине тримесечна специјализирана обука под директно водство на ментор, за да може да ја обнови лиценцата за работа. Ваква одлука донесе Комисијата за етички и правни прашања при Лекарската комора.
Судењето на Фатон Љјури кој со мотор го усмрти 68-годишниот пензионер Југослав Николовски на пешачки премин на кеј во Скопје беше одложено. Судот неспоредно пред рочиштето беше известен дека обвинетиот не е во состојба да присуствува оти има стомачен вирус и морал да прима инфузија.
