Вечерва во 19 часот во Ликовниот салон на Македонската академија на науките и уметностите (МАНУ) ќе биде отворена изложбата „Три генерации Ташковски“.
Претседателот на МАНУ, академик Живко Попов, ќе има поздравен говор, а изложбата ќе ја отвори академик Газанфер Бајрам.
Вечерва со почеток во 19:30 часот, во Чифте амам ќе биде отворена самостојната изложба на Надја Розева. На изложбата ќе бидат прикажани медални скулптури создадени во различни периоди.
Денеска во Кинотека на Македонија, со почеток во 19:00 часот, ќе се одржи мултимедиајлен настан на НУ Танец во соработка со Кинотека на РСМ, организиран во рамките на чествувањето на 75-годишнината од основањето на Танец.
Овој петок илјадници свеќи ќе ја осветлат сцената на Македонската филхармонија на премиерното издание на првиот „Candlelight“- концерт под свеќи на камерниот оркестар Профундис, кој ќе се одржи на 12-ти април со почеток во 20 часот.
Во Културно-информативниот центар во Скопје вечер ќе биде отворена самостојна изложба на слики од Ратко Панчевски.
Со оваа изложба Панчевски го одбележува јубилејот 50 години ликовно творештво.
Македонската филхармонија го најавува концертот „Езотерија“, кој ќе се одржи овој четврток со почеток во 20 часот, а на кој како виолинист, но и како диригент, настапува прочуениот Сергеј Крилов.
Ликовните уметници наивецот Ристо Ристовски, неговиот син академик Васко Ташковски и внуката Лара Ташковска на 11-ти април во 19:00ч. во изложбениот салон на МАНУ, пред скопската публика ќе се претстават со 60-тина ликовни дела.
Со проекција на филмовите „Тишината на рибата што умира“ на Василис Кекатос (краток филм) и црната комедија „Не би сакал да сум непристоен, но мораме сериозно да разговараме“ на Јоргос Георгопулос вечерва во Кинотека свечено ќе биде отворено 4-то издание на Фестивалот на грчки филм во Скопје.
Во рамките на богатата културна понуда на Град Скопје како Европска престолнина на културата 2028, вечер во Галеријата КО-РА при Јавната установа Дом на култура „Кочо Рацин“-Скопје, ќе бидат пртомовирани три книги од авторот Гордана Каракашевска под псевдонимот Ана Каракаш.
ЈУ Градска библиотека „Браќа Миладиновци“ – Скопје потпиша договор со Здружението за зачувување на делото на Анте Поповски „Антево перо“, за добивање дигитализирани материјали од неговиот опус, како и правата за дигитализација на книги и некнижен фонд од неговата приватна архива.
