Во текот на викендот во Македонија ќе преовладува сончево и потопло време со мала облачност.
Утре дневната температура ќе достигне до 20, а во недела до 22 степена.
Од понеделник се очекуваат врнежи од дожд, а од вторник температурите ќе бележат опаѓање.
Клиничкиот центар ќе се дислоцира- пресече Владата. Ќе се гради во населбата Злокуќани, во близина на психијатриската болница. Оваа одлука е донесена по консулатации со архитекти, лекари и граѓани- рече министерот за здравство Филипче.
Разговорите меѓу претставници на пратеничките групи во Собранието, иницирани од тројката европратеници Вајгл, Кукан и Флекенштајн одложени за мај.
Сѐ поизвесно е дека новиот Клинички центар ќе се гради на локација во Бардовци. Министерот за здравство Филипче тврди дека тоа е најдобра опција, бидејќи сегашниот, во центарот на градот, е нефункционален.
Претседателот на ВМРО-ДПМНЕ, Христијан Мицкоски во Софија на средба со бугарскиот премиер Бојко Борисов и со претседателот на Европската народна партија, Жозеф Дол. Разговарано за европската агенда на регионот и за јакнењето на соработката.
Во атинскиот Врховен суд одложена одлуката за екстрадицијата на поранешниот началник во УБК, Горан Грујевски и неговиот колега Никола Бошкоски.
Повеќе овошје и зеленчук на менито за храна во градинките и во основните училишта. Министерството за образование изготви правилник. Се очекува да наметне нови стандарди за тоа што треба да јадат децата.
Жештока расправа за името меѓу грчкиот премиер Алексис Ципрас и лидерот на опозицијата Киријакос Мицотакис во грчкиот Парламент. Претседателот на „Нова демократија“ обвини дека Владата нема единствена позиција за името.
Во текот на на изминатата недела во земјава се регистрирани 2.781 заболен од грип, што е намалување за 35 отсто споредено со неделата пред неа, кога беа регистрирани 4.258 заболени лица, покажува последниот извештај на Институтот за јавно здравје.
Владата на СДСМ е фокусирана на деструкција, уривање споменици, притворање на неистомисленици, а економијата е крајно маргинализирана, тврдат од ВМРО-ДПМНЕ.
