Утрешниот ден во Македонија ќе донесе нови врнежи од дожд и снег на планините.
Врнежите ќе почнат на запад претпладне, а попладне ќе се интензивираат и ќе се прошират насекаде.
На места се очекуваат пообилни врнежи. Ќе дува засилен југозападен ветер.
Заев и Борисов едногласни- Договорот за добрососедство гарантира долгорочно градење пријателски односи меѓу Бугарија и Македонија и е стабилна основа за соработка во регионот, врз база на европските вредности. Ова го заклучиле двајцата премиери во телефонски разговор.
Новата студиска програма- нутриционизам ќе биде дел од конкурсот за 2018/ 2019 година на Природно-матаматичкиот факултет во Скопје. Ќе се запишат 60 студенти- 20 на редовни студии, 20 со кофинасирање, уште толку ќе бидат вонредни. Ќе изучуваат околу 40 предмети.
„Судот неправедно ме осуди на голема казна. Не употребив сила, ниту кон Заев, ниту кон Шекеринска“- рече на јавната седница во Апелација, Панче Ангелов, првостепено осуден за нападот врз пратеничката. Остана на ставот дека кога ја фатил за коса сакал да ја заштити, а не да ја повреди.
Состојбата со грипот засега не е алармантна. Сепак, лекарите очекуваат значително зголемен број пациенти по завршувањето на зимскиот распуст, кога учениците ќе се вратат во клупите. Колективниот престој овозможува побрзо ширење на вирозите и на инфекциите.
Пратеникот на ВМРО- ДПМНЕ, Илија Димовски најавува иницијатива пред Уставниот суд доколку претседателот Иванов не го потпише указот за Законот за употреба за јазиците.
Новиот Извршен комитет на ВМРО-ДПМНЕ на првата седница го осуди политичкиот прогон од власта преку правосудните органи. Целта е замолкнување на секаква критика и ширење на страв меѓу народот и сите кои мислат поинаку, стои во дописот.
Директорката на градинката „Кочо Рацин“ ги демантира тврдењата на Првата детска амбасада „Меѓаши“ и на родителите, кои вчера на прес- конференција изјавија дека ја бојкотираат наставата поради необразложено отстранување на една воспитувачка.
Без нов предлог за името, само идеи за кои се зборувало претходно, изјави медијаторот Нимиц за Грчката национална телевизија во пресрет на утрешната средба со преговарачите Василакис и Наумовски во њујорк.
Јавното обвинителство втор месец не презема никакви дејствија во истрагата што се води по политички монтираниот случај за тероризам.
