На покана на министерката за одбрана Радмила Шекеринска денеска во официјална посета на Република Македонија ќе престојува министерот за одбрана на Црна Гора, Предраг Бошковиќ.
Предвидена е средба на двајцата министри, по што ќе се одржи и средба на двете делегации.
Комисијата за деловнички и мандантно- имунитетни прашања денеска напладне ќе почне да ги разгледува двете барања за притвор за шестмина пратеници, на барање на судиите на претходна постапка, Весна Димишкова и Ненад Савески, од Основниот суд Скопје 1.
Претседателот на Собранието на Република Македонија Талат Џафери вечерва ги достави до Комисијата за мандантно-имунитетни прашања барањата за притвор за шест пратеници.
ВМРО-ДПМНЕ продолжува со блокади на крстосници во главниот град. Партијата ги повика граѓаните, членовите или симпатизерите да дадат поддршка против политичкиот прогон од Власта.
Петре Шилегов е нов претседател на Управниот одбор на ЗЕЛС. За негови заменици избрани градоначалниците на општина Чаир, Висар Ганиу и на Кавадарци, Митко Јанчев. На конститутивната седница формирани сите тела на Заедницата на единиците на локалната самоуправа.
Поранешниот советник на ВМРО-ДПМНЕ во општина Центар, Јордан Ристески призна дека поттикнувал насилство за време на протестите во 2013-тата година. Изјави- размислувал за тоа што го сторил и искрено се кае. Признанието рече- го дава доброволно и е свесен за последиците.
На 13- мина од приведените за собраниските настани од 27- ми април, судија на претходна постапка им одреди по 30 дена притвор. Шестмина се во куќен. Од скопскиот Кривичен суд информираа дека на распит биле спроведени 24-ца.
Говорот на омраза да се третира како кривично дело, подобрување на пристапот до правда, подигнување на свесноста за дискриминација – дел од мерките кои треба да се преземат за да се стави крај на дискриминацијата.
Владата го усвои Предлог- законот за амнестија. На слобода ќе излезат 670 правосилно осудени лица, а на 3.090 ќе им биде намалена казната за 30 насто, информираат од Владата. Со овој Предлог- закон ќе се амнестираат сите обвинети до 20- ти септември годинава.
ВМРО-ДПМНЕ ги повика граѓаните, членови или симпатизери да дадат поддршка против политичкиот прогон на власта. Од оваа партија најавија блокирање на неколку крстосници во Скопје во периодот почнувајќи од пред неколку минути до 17 часот.
