Во текот на викендот во Македонија се очекува претежно стабилно време. Утре ќе биде сончево и потопло со мала до умерена облачност, а по одделни котлини ќе има услови за појава на магла.
Повисоката дневна температура ќе предизвика топење на снежната покривка ососбено на планините.
Бугарскиот претседател Румен Радев престојува во дводневна посета на Република Македонија. Посетата ја почна со средба со македонскиот претседател Ѓорге Иванов, по која ќе следува и конференција за новинарите.
На 23-ти февруари, Собранието на Република Македонија ќе биде отворено за посета од страна на граѓаните.
Врховниот суд во Атина го одложи рочиштето на кое требаше да биде разгледана жалбата на одлуката за екстрадиција на Судот во Солун за поранешниот началник во УБК, Горан Грујевски и неговиот колега Никола Бошкоски.
Нови 840 хектари државно земјоделско земјиште во регионите на Неготино, Берово, Пробиштип, Кисела вода, Кичево и Прилеп одат под закуп. Времетраењето за користење на земјиштето ќе биде различно.
По тешко боледување синоќа почина Абдилаќим Адеми, кој беше генерален секретар на ДУИ, а извршуваше и високи државни функции.
Бугарскиот претседател Румен Радев од денеска престојува во дводневна официјална посета на Република Македонија. Радев во земјава пристигнува на покана на шефот на македонската држава Ѓорге Иванов.
Лажни вести се шират за разрешување на 110 судии, тврди првиот човек на Судскиот совет, Караџовски. Toj вели дека до Советот стигнале 217 преставки и поплаки од граѓани и правни лица за судии и претседатели на судови, но само пет предмети се однесуваат на барање за утврдување одговорност.
Министрите за надворешни работи на Европската унија и од шест земји- кандидати на неформален состанок во Софија разговараат за Западниот Балкан, за првпат по објавувањето на Стратегијата од Европската комисија.
Генералниот секретар на НАТО, Јенс Столтенберг, денеска повика на флексибилност во преговорите за името на Македонија.
