Утре во Македонија ќе преовладува сончево време со умерена облачност. Во попладневните часови ќе има услови за локален краткотраен дожд особено во западните делови од земјата.
Во наредните денови следува период на стабилно време со постепен пораст на дневните температури.
Продлабочување на соработката меѓу Израел и Македонија. Ова било главна тема на разговор меѓу македонскиот и израелскиот премиер во Тел Авив. Стоиме заедно на страната на мирот во светот, е пораката што ја испратија двајцата премиери во заедичката изјава за медиумите.
Претседателот на Република Македонија, Ѓорге Иванов, утре и задутре ќе престојува во работна посета на Полска, по повод учеството на 27-от Економски форум, што ќе се одржи во Крињица – Здруј.
Овие ученици се дел од проектот 20–20–20. По завршувањето на образованието во скопското средното електротехничко училиште „Михајло Пупин“, во 2020 година ќе се вработат во ЕВН Македонија.
Дневниот ред на седницата дополнет со неколку предлози по скратена постапка. Неговото усвојување тест за конструктивноста меѓу власта и опозицијата.
Премиерот Зоран Заев на вториот ден од работната посета на Израел имаше средба со неговиот домаќин, претседателот на израелската влада Бенјамин Нетанјаху. Главна тема- безбедносната соработка.
Училишното ѕвонче го означи почетокот на новата учебна година за околу 270 илјади ученици. Во училишните клупи седнаа речиси 20 илјади првачиња.
Рокот за пријавување на конкурсот за слушатели за стручно оспособување и усовршување за родот авијација се продолжува до 20 октомври годинава, информираат од Министерството за одбрана и од воената академија „Генерал Михајло Апостолски“.
Вечерва на полноќ завршува рокот за собирање потписи за листи на независните кандидати за советници и градоначалници. Политичките партии своите листи на кандидати треба да ги поднесат најдоцна до 9-ти септември.
Во Блед, Словенија почнува Стратегискиот форум, водечка конференција во Централна и Југоисточна Европа на која што учествуваат и министрите за надворешни и за одбрана Никола Димитров и Радмила Шекеринска.
