Утре во Македонија ќе преовладува претежно облачно време со повремени врнежи од дожд на места пообилни особено во попладневните и вечерните часови.
Врнежите ќе продолжат и во текот на ноќта кон среда. Локално се очекува да наврне над 20 литри на метар квадратен количина воден талог.
75 години потоа Македонија и Прилеп се потсетуваат: Со нападот на тогашната полициска станица- Участакот, денес музеј, почна народното четиригодишно востание. Прилепчани, без исклучок, горди на улогата што ја имаат градот и неговите жители.
Базата на податоци ЕБСКО досега беше делумно бесплатна, а во наредната учебна година, во периодот 2016-2017 ќе биде целосно достапна за околу 100-на илјади истражувачи, порача заменик министерот за образование, Спиро Ристовски. За таа цел, владата обезбеди 75 илјади долари.
Сите мали работи кои ги извршувавме сите овие години, влијаеа при формирање на тоа што сме денес- здрав и добронасочен офицер, кој за кратко време треба да се соочи со предизвиците на модерното војување. Во името на новата 16 класа се обрати прворангираниот, Михајло Тошевски.
Поради зголемен обем на влез и транзитирање на мигранти низ територијата на државава, владата предлага продолжувањето на рокот за справување со кризната состојба да биде до 30-ти јуни 2017-та година. За предлог-одлуката в четврток ќе се расправа на пленарна седница.
Скопското Основно јавно обвинителство во соработка со Одделението за економски криминал во СВР Скопје почна истражна постапка против цариник во царинската испостава „Блаце“.
Во Стразбур редовна сесија на Парламентарното Собрание на Советот на Европа. Обраќања ќе имаат францускиот претседател Оланд, германскиот сојузен министер за надворешни работи Штајнмаер и турскиот шеф на дипломатијата Чавушоглу.
Продолжува судскиот процес за терористичкиот инцидент во кумановската Дива населба. Се изведуваат пишаните докази на обвинителство.
Основното јавно обвинителство – Гостивар донесе Наредба за спроведување на истражна постапка против три лица од Гостивар и едно од Тетово, осомничени за сторено кривично дело разбојништво.
Членовите на Комисијата за одбрана и безбедност дадоа зелено светло на владината предлог-одлука за уште едно шест месечно продолжување на кризната ситуација на јужната граница.
