Опсежна полициска акција е спроведена вчера попладне во Куманово. Приведени се три лица. Според првичните информации, кај еден од приведените е пронајден пластичен експлозив.
Неофицијално, еден од уапсените бил ветеран на некогашната Ослободителна војска на Косово.
Синоќа, околу 22.30 часот, меѓународен воз кој се движел на пругата Велес – Скопје, кај станицата Пчиња, удрил во поголема група емигранти. Според првичните информации, во несреќата загинале најмалку 14 емигранти.
Главна тема е регионалната соработка особено поврзана со реконструкцијата и заздравувањето на државите кои беа зафатени со поплави. Шефовите на дипломатиите ќе ја разгледаат таканаречената Позитивна агенда за младите од Западен Балкан.
Дека инцидентот во Гошинце може негативно да се одрази на состојбата во државава, а особено за генералниот интерес на граѓаните, предупредува шпанскиот сенатор во Советот на Европа, Аркадио Дијаз Техера. Не ги одобрува постапките на опозицијата.
Од Ликовниот салон во Велес, опозициската СДСМ објави нов сет прислушкувани разговори. Беа презентирани четири телефонски разговори за кои СДСМ тврди дека се помеѓу високи државни функционери и новинари кој според опозицијата укажуваат на незаконско работење.
Секоја сабота во здравствените домови во Радовиш и во Делчево, амбулантски прегледи ќе вршат специјалисти. Во Делчево ќе има специјалист по ортопедија и урологија, а во радовиш невролог и интернист.
Фондот за здравствено осигурување во соработка со другите државни институции ја усогласи постапката за остварување на правата од здравствено осигурување на хонорарците.
Државните институции имаат сила да се справат со сите предизвици, изјави пред присутните на трибината на владејачката партија во Гостивар, членот на извршниот комитет и вицепремиер Зоран Ставрески.
