Тутунарите обвинуваат, откупувачите не го преземаат родот
Што се случува со откупот на тутунот? Прво не дојдоа тутунарите, сега тие обвинуваат дека откупувачите не го преземаат родот. Бараат инспекторатот да излезе на терен. Оттаму соопштуваат, никој непријавил неправилности. Во земјава се купени незначителни количества...
Откупот на тутунот никако да почне. Ако првиот ден на откупната кампања не дојдоа тутунарите, сега тие обвинуваат дека откупувачите не сакаат да им го преземат родот. Тоа им се случило на дел тутунари кои, без разлика на цената, мора да го предадат родот да платат финансиски обврски. Освен тоа, дневно здруженијата губат околу 5.000 евра за ангажираните повереници.
Се бара да се огласи Министерството за земјоделство и Инспекторатот да излезе на терен. Тутунарите остануваат на ставот за повисоки цени.
Од Инспекторатот велат дека до нив нема стигнато пријава за неправилности и ги охрабруваат тутунарите да го сторат тоа. Од официјалниот почеток на кампањата, во земјава се купени незначителни количества. Годинашнава реколта е преполовена, иако квалитетна. Се проценува на 13-тина илјади тони.
Елизабета Митреска