Продолжуваат разговорите за новиот владин состав

Продолжуваат преговорите за новиот состав на Владата. Откако ги договорија министерските позиции, преговорите на политичките партии стигнаа до вториот и третиот ешалон. Сега се дефинираат заменик министерските и директорските места. До средина на јуни, „Илинденска“ ќе има нов состав на Влада.

Од она што досега е познато е дека ВМРО-ДПМНЕ ќе раководи со 11 министерства во идната влада, меѓу кои и клучните ресори – МВР, МНР, Одбрана, Финансии, Образование, Земјоделство, Транспорт и врски, Енергетика, Култура, Локална самоуправа и Политички систем.

За „Вреди“, во Владата со 20 ресори, ќе има пет министерства, плус министер без ресор. Од движењето ЗНАМ треба да ги преземат министерствата за правда и администрација, а кои се кадрите сè уште останува непознато.