Образование

Средните училишта во Штип подготвени за првиот екстерен матурски испит

30.05.2024 14:43

Близу 15 илјади матуранти во сабота во 10 часот ќе го полагаат првиот од двата екстерни испити од државната матура. Новина годинава е тоа што наместо во училници, тестовите ќе се полагаат во холовите и училишните спортски сали. Штипските средни училишта се подготвени за новиот начин на полагање...

475 матуранти од Штип во сабота ќе го полагаат првиот од двата матурски екстерни испити – мајчин јазик и литература. Според насоките на Државниот испитен центар, годинава испитот на зрелоста ќе се полага во спортските сали и училишните холови и со поголем број тестатори и набљудувачи. Средните училишта во Штип се подготвени за тестирањето во сабота.

Средното медицинско училиште годинава е со најголем број матуранти, сè е подготвено за 207 ученици да го потврдат наученото.

Вториот задолжителен предмет од државната матура ќе се полага на 8-ми јуни. 104 матуранти од стручните штипски училишта ќе полагаат завршен испит, а за училишна матура се пријавиле тројца ученици.

 

Славица Величковска