Едно лице задржано во станица по убиството во Тетово, се вршат претреси на повеќе локации

МВР информира дека забрзано работи на расветлување на убиството во Тетово.

Едно лице е задржано во полициска станица на информативен разговор. Извршени се и претреси на три локации во селото Гајре, при што се обезбеди предмети кои може да помогнат во случајот.

Во операцијата е вклучена крим полицијата при Бирото за јавна безбедност.

Се преземаат дополнителни мерки за пронаоѓање на осомничениот кој ноќта во петокот, од возило во движење пукаше и го усмрти 39-годишникот, кој се наоѓал во неговиот автомобил.