Се санираат штетите во Општина Аеродром по невремето
Во Општина Аеродром се санираат штетите од невремето. Граѓаните да ги пријавуваат штетите во службите на општината, вели градоначалникот. Кризните штабови во општините се подготвени да дејствуваат во случај на елементарни непогоди, но неопходна е поддршка и од другите институции во справувањето со пожарите и невремето-вели претседателот на ЗЕЛС, Ѓорѓиевски...
Се прави процена на штетите кои се во надлежност на општината и наскоро ќе се утврди начин на постапување. Граѓаните да ги пријавуваат штетите во службите на општината-вели градоначалникот Митевски.
Сите општини имаат кризни штабови со цел соодветно да дејствуват при елементарни непогоди. Но, во ситуации како сегашните кога имаа пожари и невреме кои тешко се контролираат и се надвор од можностите на делување на општините, неопходна е помош и од другите институции вели претседателот на ЗЕЛС. Формирани се и регионални кризни штабови во кои партиципираат околните градоначалници.
Кризните штабови на општините имаат план за соодветно дејствување во случај да се повтори невремето. Но, сепак препораките се граѓаните да бидат претпазливи, да останат во домовите, да не се движат надвор во случај на невреме.
Александра Велинова