Педро Алмодавар го освои Златниот лав, главната награда на Венецијанскиот филмски фестивал
Алмодавар го освои Златниот лав, главната награда на Венецијанскиот филмски фестивал, за неговиот прв филм на англиски јазик „Соседната соба“ („The Room Next Door“), кој се занимава со тешката тема – евтаназија...
Шпанскиот режисер Педро Алмодавар го освои Златниот лав, главната награда на Венецијанскиот филмски фестивал, за неговиот прв филм на англиски јазик „Соседната соба“ („The Room Next Door“), кој се занимава со тешката тема – евтаназија. Главните улоги ги толкуваат актерките Тилда Свинтон и Џулијан Мур, пишува „Гардијан“.
Овој филм доби 17-минутен аплауз кога беше премиерно прикажан во рамки на фестивалот, што е еден од најдолгите аплаузи во последно време.
Шпанскиот режисер често е дел од најголемите филмски фестивали. Тој ја доби наградата за животно дело во Венеција во 2019 година за неговите смели, често смешни филмови на шпански јазик.