Бензините и дизелот поскапуваат за денар

Малопродажните цени на бензините Еуросупер БС-95 и Еуросупер БС-98 и на Еуродизел, од полноќ се зголемуваат за еден денар по литар, соопшти денеска Регулаторната комисија за енергетика.

Новата цена на Еуросупер БС-95 ќе биде 75,5 денари, на Еуросупер БС-98 ќе изнесува 77,5, а Еуродизел ќе се продава за 68,5 денари за литар.

Малопродажната цена на Екстра лесното масло за домаќинство се зголемува за 1,5 денари и ќе изнесува 68,5 денари за литар.

За 1,108 денари поскапува и Мазутот, и еден килограм ќе чини 42,780 денари.