Македонија со победа ги започнаа квалификациите за пласман на ЕП

Македонските ракометари со победа ги започнаа квалификациите за пласман на Европското првенство 2026 година, откако ја победија Естонија со 37:33.

Македонија добро влезе во натпреварот, успеа да создаде предност од четири гола и ја одржуваше некаде до финишот на првото полувреме, кога играчите на Лазаров попуштија во одбраната, а Естонците успеаја да се вратат и да дојдат до 20:20 по првиот дел.

Најефикасен на теренот беше Серафимов со 10 голови, по седум постигнаа Митев и Кузмановски

За четири дена, во второто коло, Македонија ќе гостува во Литванија.