ДЗСИ го проверува случајот со починатото дете на Детска клиника

Од Детската клиника со соопштение ја информираа јавноста дека оваа установа лекува најтешки случаи на деца со различни болести, честопати и критични случаеви, доаѓаат од сите градови и од сите болници во нашата земја.

„Тимот од педијатриски стручњаци на оваа Клиника во просек лекуваат 5.000 до 6.000 деца месечно, случаи со благи до најкомплицирани и тешки дијагнози. Деноноќно, 24 часа, лекарите и медицинските сестри се во служба на малите пациенти, го даваат својот максимум со цел најпрофесионално да им помагаат на пациентите, но, не секогаш среќата е на страната на лекарите и медицинските сестри“, соопштуваат од Клиниката за детски болести.

Од Клиниката тврдат дека не е направена грешка во лекувањето. Директорот препозна политички интереси во откривањето на случаите.

„Информациите кои неофицијално се лиферуваат од Детската клиника често имаат политичка тенденција, а за информаторите не е важен животот на децата, туку директорската фотелја“, изјави директорот на Клиниката за детски болести, Реџеп Мемеди.

Мемеди најави прес-конференција за разјаснување на случувањата на Детската клиника.

Наташа Јанчиќ - Менковски