Постапка против поранешната министерка Костадиновска-Стојчевска

Поранешната министерка бисера Костадиновска-Стојчевска при престојот во Лондон трошела буџетски пари за приватни цели, констатира Антикорупциска. 280 фунти ексминистерката искористила за приватни цели. А од картичката на Министерството од потрошени 528, 485 фунти Комисијата не може да ги квалификува како службени трошоци.

Назначувањето на членовите на Судскиот и Советот на јавни обвинители во управниот одбор на Академијата за обука на судии и обвинители е противзаконско бидејќи законот предвидува назначување на судии и обвинители, но не од редот на советите, тврди комисијата. Ги повика да ги поништат одлуките до истекот на мандатот на сегашниот состав на одборот.

Комисијата поднесе иницијатива до Судскиот совет и Здружението на судии за поведување дисциплинска постапка против член на Советот за „судир на интереси“ и „пристрасност при вршењето на функцијата“ заради иницирање постапка за утврдување одговорност на судии во Врховен суд, кои постапувале во предмет, кој ја засегал неговата сестра.

Фиљана Кока