СДСМ на Конгрес ќе бира ново партиско раководство

СДСМ денеска на партиски конгрес во „Александар Палас“ во Скопје ќе избира ново раководството. Ќе се бираат нови членови на Централниот одбор, највисокиот орган во партијата.

Тие ќе имаат задача да назначат партиски потпретседатели и генерален секретар, кои ќе ја водат стратегијата за реформи и обнова.

Првиот тест за новото раководство ќе бидат претстојните локални избори, за помалку од една година, кои ќе покажат дали со новите реформи ќе успеат да ја вратат довербата кај членството и граѓаните.