Трипуновски: Со низа акции на пошумување на опожарените места ќе ги вратиме белите дробови на Македонија

„Вработените во ЈП „Национални шуми“ имаат пред сè редовни примања. Продукцијата на јавното претпријатие на коешто сржта на основата е да продуцира дрвна маса, да има за нашите сограѓани итн. веќе се зголемува. Се работи на одредена реорганизација внатре за да се зголеми продуктивноста“, истакна министерот за земјоделство, шумарство и водостопанство, Цветан Трипуновски во вчерашното гостување во национална телевизија.

Министерот Трипуновски додаде дека на ниво на Влада е формирана работна група во делот на справување и превенција со пожари бидејќи се воочи оваа година дека Македонија нема систем за рано детектирање, превенција и справување со пожари. И се работи на подолгорочна стратегија.

„Веќе сме во комуникација со директорот на ЈП „Национални шуми“ периодот за да се спроведат низа на акции за пошумување на оние подрачја коишто беа зафатени од пожар во претходните години“, истакна министерот.

„Се работи и на расчистување на терените коишто беа опфатени од пожарите бидејќи за да имаат обнова на вегетација мора таа опожарена маса да биде извадена, исечена и да биде исчистен теренот“, објасни министерот Трипуновски.

Тој посочи дека и оваа значајна гранка е ставена во приоритет.

„Имаме зголемување на средствата во делот на пошумување за наредните години. И наша обврска согласно Програмата на Влада е да вршиме пошумување на опожарени површини се со цел да ги вратиме белите дробови во една здрава функција“, нагласи министерот.