Антивладини протести во главниот град на Грузија

Илјадници луѓе и синоќа излегоа на антивладини протести во главниот град на Грузија. Демонстрантите ја обвинуваат владата за напуштање на европските амбиции и свртување кон Русија.

Толпата се спротивстави на локалните власти да постават новогодишна елка пред парламентот. Некои демонстранти тврдат дека се плашат за својата безбедност по судирите со полицијата и нападите врз новинари.

Грузија е во политичка криза по парламентарните избори на 26-ти октомври, на кои победи владејачката партија „Грузиски сон“, додека прозападната опозиција тврди дека изборите биле наместени.